ଧର୍ମଶାଳା – ଯାଜପୁର ଜିଲା ଜେନାପୁର ଥାନା ଅଧିନସ୍ଥ ବଳରାମପୁର ତଳଗଡ ଗ୍ରାମରେ ଜଣେ ଯୁବକକୁ ମାରି ଦୁର୍ଘଟଣାର ରୂପ ଦିଆଯାଉଥିବା ନେଇ ଥାନା ଅଭିଯୋଗ ହୋଇଛି । ମୃତ ଯୁବକ ଜଣକ ହେଲେ ତଳଗଡ ଗ୍ରାମ ପ୍ରଦିପ ମଲିକ ବୋଲି ଜଣାପଡିଛି । ତାଙ୍କୁ ଗ୍ରାମର କିଛି ଗୁଣ୍ଡା ଶ୍ରେଣୀର ଲୋକେ ମାଡ ମରି ଜୀବନରୁ ମାରି ଦେବା ପରେ ଏହାକୁ ଦୁର୍ଘଟଣାର ରୂପ ରେଖ ଦିଆଯାଇଥିବା ନେଇ ମୃତ ଯୁବକଙ୍କ ପତ୍ନୀ ପ୍ରମିଳା ଥାନା ଅଭିଯୋଗ କରିଛନ୍ତି । ଅଭିଯୋଗ ମୁତାବକ ଆଜି ଅପରାହ୍ନରେ ପ୍ରଦିପ ବିଲରୁ ଘାସ ଆଣି ଘରକୁ ଫେରୁଥିବା ସମୟରେ ବଳରାମପୁର ଉଚ୍ଚ ବିଦ୍ୟାଳୟ ନିକଟରେ ତାଙ୍କୁ ବଳରାମପୁର ତଳଗଡ ଗ୍ରାମର ଶୀ୍ରଧର ମଲିକ,ସୁରେଶ ମଲିକ,ମୁକୁନ୍ଦ ମଲିକ,ଚଗଲା ମଲିକ ଓ ଅକ୍ଷୟ ମଲିକ ପ୍ରମୁଖ ମିଳିତଭାବେ ତାଙ୍କ ଏକ ଲୁହା ଜଗ ରଡରେ ବାଡେଇ ହତ୍ୟା କରାଯିବା ପରେ ତାଙ୍କ ଉପରେ ଗାଡି ଚଢାଇ ଦିଆଯାଇ ଥିବା ନେଇ ପ୍ରମିଳା ଥାନାରେ ଅଭିଯୋଗ କରିଛନ୍ତି । ପୂର୍ବରୁ ତାଙ୍କ ସ୍ୱାମୀକୁ ଜୀବନରୁ ମାରି ଦେବା ଲାଗି ଧମକ ଦିଆଯାଇଥିବା ନେଇ ମଧ୍ୟ ଅଭିଯୋଗ କରିଛନ୍ତି । ଅଭିଯୋଗ ପାଇ ପୁଲିସ ଘଟଣାର ତଦନ୍ତ କରୁଛି ।
