-
ପ୍ରାୟ ୫୦ ଲକ୍ଷ ହିତାଧିକାରୀଙ୍କ କୋଭିଡ ଟିକାକରଣ ହୋଇପାରିଛି
-
ବିଶ୍ୱରେ ପ୍ରତି ଦଶ ଲକ୍ଷ ଜନସଂଖ୍ୟାରେ ଆକ୍ରାନ୍ତ ଓ ମୃତ୍ୟୁ ସଂଖ୍ୟା ଭାରତରେ କମ୍ ରହିଛି
-
ବିଗତ ୨୪ ଘଣ୍ଟା ମଧ୍ୟରେ ୧୦ ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ କୌଣସି କରୋନା ମୃତ୍ୟୁ ହୋଇନାହିଁ
ନୂଆଦିଲ୍ଲୀ, ଭାରତରେ ସକ୍ରିୟ କରୋନା ମାମଲା ସଂଖ୍ୟାର ନିମ୍ନମୁଖୀ ଧାରା ଜାରି ରହିଛି ।ଆଜି ମୋଟ ସକ୍ରିୟ ମାମଲା ୧.୫୧ ଲକ୍ଷ(୧,୫୧,୪୬୦)କୁ ହ୍ରାସ ପାଇଛି । ଏହା ଆଜି ପର୍ଯ୍ୟନ୍ତ ହୋଇଥିବା ମୃତ୍ୟୁସଂଖ୍ୟା (୧,୫୪,୮୨୩)ରୁ କମ୍ । ଭାରତରେ ମୋଟ ପଜିଟିଭ୍ ସଂଖ୍ୟାର ମାତ୍ର ୧.୪୦% ରହିଛି କରୋନା ସକ୍ରିୟ ମାମଲା ।
ଭାରତରେ ଦୈନିକ ନୂଆ କରୋନା ମାମଲା ମଧ୍ୟ ନିମ୍ନମୁଖୀ ଧାରାରେ ରହିଛି । ବିଗତ ୨୪ ଘଣ୍ଟା ମଧ୍ୟରେ ଦେଶରେ ମୋଟ ୧୨,୪୦୮ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ପ୍ରତି ଦଶଲକ୍ଷ ଜନସଂଖ୍ୟାରେ ଆକ୍ରାନ୍ତ କ୍ଷେତ୍ରରେ ଭାରତ (୭୮୨୮) ବିଶ୍ୱରେ ସବୁଠାରୁ ତଳେ ରହିଛି । ରୁଷ, ଜର୍ମାନୀ, ଇଟାଲି, ଫ୍ରାନ୍ସ, ବିଟ୍ରେନ ଏବଂ ଆମେରିକାରେ ଏହି ସଂଖ୍ୟା ବହୁତ ଅଧିକ ରହିଛି ।
ପ୍ରତି ଦଶ ଲକ୍ଷ ଜନସଂଖ୍ୟାରେ ଆକ୍ରାନ୍ତ ଚିହ୍ନଟ ହେବା କ୍ଷେତ୍ରରେ ଜାତୀୟ ହାରଠାରୁ କମ୍ ରହିଛି ୧୭ ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ । ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ମଧ୍ୟରେ ଲାକ୍ଷାଦ୍ୱୀପରେ ସବୁଠାରୁ କମ୍ ୧୭୨୨ ରହିଛି ।
୨୦୨୧ ଫେବ୍ରୁଆରୀ ୫ ତାରିଖ ସକାଳ ୮ଟା ସୁଦ୍ଧା କୋଭିଡ-୧୯ ଟିକାକରଣ ଅଭିଯାନରେ ଦେଶରେ ପ୍ରାୟ ୫୦ ଲକ୍ଷ (୪୯,୫୯,୪୪୫) ହିତାଧିକାରୀଙ୍କ ଟିକାକରଣ ହୋଇପାରିଛି ।
ବିଗତ ୨୪ ଘଣ୍ଟା ମଧ୍ୟରେ ଦେଶରେ ୧୧,୧୮୪ ସେସନରେ ୫,୦୯,୮୯୩ ଜଣଙ୍କ ଟିକାକରଣ ହୋଇଛି ।
ଏ ପର୍ଯ୍ୟନ୍ତ କୋଭିଡ-୧୯ ଟିକାକରଣ ହୋଇଥିବା ମୋଟ ହିତାଧିକାରୀଙ୍କ ମଧ୍ୟରୁ ୬୧% ଟିକାକରଣ ୮ ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ହୋଇଛି ।
ଦେଶରେ ମୋଟ ୧.୦୪ କୋଟି (୧,୦୪,୯୬,୩୦୮) ଆକ୍ରାନ୍ତ ଇତି ମଧ୍ୟରେ ସୁସ୍ଥ ହୋଇଥିବା ବେଳେ ବିଗତ ୨୪ ଘଣ୍ଟା ମଧ୍ୟରେ ୧୫,୮୫୩ ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ସୁସ୍ଥତା ହାର ୯୭.୧୬%ରେ ପହଞ୍ଚିଛି । ଦୈନିକ ଅଧିକ ଲୋକ ସୁସ୍ଥ ହେଉଥିବା ବେଳେ କମ୍ ଆକ୍ରାନ୍ତ ଚିହ୍ନଟ ହେଉଥିବାରୁ ସୁସ୍ଥ ଓ ସକ୍ରିୟ କରୋନା ମାମଲା ମଧ୍ୟରେ ପାର୍ଥକ୍ୟ ବୃଦ୍ଧି ପାଇ ୧,୦୩,୪୪,୮୪୮ ହୋଇଛି ।
ନୂଆ ସୁସ୍ଥଙ୍କ ମଧ୍ୟରୁ ୮୫.୦୬% ଆସିଛନ୍ତି ୬ ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ ।
କେରଳରେ ଗୋଟିଏ ଦିନରେ ସର୍ବାଧିକ ୬୩୪୧ ଜଣ ସୁସ୍ଥ ହୋଇଛନ୍ତି । ବିଗତ ୨୪ ଘଣ୍ଟାରେ ମହାରାଷ୍ଟ୍ରରେ ୫୩୩୯ ଏବଂ ତାମିଲନାଡ଼ୁରେ ୫୧୭ ଜଣ ସୁସ୍ଥ ହୋଇଛନ୍ତି ।
ବିଗତ ୨୪ ଘଣ୍ଟା ମଧ୍ୟରେ ଦେଶରେ ୧୨୦ ଜଣଙ୍କର କରୋନାରେ ମୃତୁ୍ୟ ହୋଇଛି । ଏଥିରୁ ୭୪.୧୭% ମୃତୁ୍ୟ ହୋଇଛି ୬ ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ । ମହାରାଷ୍ଟ୍ରରେ ସର୍ବାଧିକ ୪୬ ଜଣଙ୍କ ମୃତୁ୍ୟ ହୋଇଥିବା ବେଳେ କେରଳରେ ୧୭ ଜଣ ଏବଂ ପଞ୍ଜାବ ଓ ଦିଲ୍ଲୀରେ ୭ ଜଣ ଲେଖାଏଁଙ୍କର ମୃତ୍ୟୁ ହୋଇଛି ।
ବିଗତ ୨୪ ଘଣ୍ଟା ମଧ୍ୟରେ ୧୪ ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ କୌଣସି କରୋନା ମୃତୁ୍ୟ ହୋଇନାହିଁ । ଏସବୁ ରାଜ୍ୟ ହେଲା ଆନ୍ଧ୍ର୍ରପ୍ରଦେଶ, ଝାଡ଼ଖଣ୍ଡ, ପୁଡୁଚେରୀ, ମଣିପୁର, ମେଘାଳୟ, ସିକିମ, ନାଗାଲାଣ୍ଡ, ମିଜୋରାମ, ଲାଦାଖ (କେନ୍ଦ୍ରଶାସିତ ଅଞ୍ଚଳ), ତ୍ରିପୁରା, ଅରୁଣାଚଳ ପ୍ରଦେଶ, ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜ, ଦାମନ ଓ ଡିଉ ଏବଂ ଦାଦ୍ରା ଓ ନଗର ହାବେଳି ଏବଂ ଲାକ୍ଷାଦ୍ୱୀପ ।
ଭାରତରେ ପ୍ରତି ଦଶଲକ୍ଷ ଜନସଂଖ୍ୟାରେ ୧୧୨ ଜଣଙ୍କର କରୋନାରେ ମୃତ୍ୟୁ ହୋଇଛି, ଯାହାକି ବିଶ୍ୱରେ ସବୁଠାରୁ କମ୍ ।
ପ୍ରତି ଦଶଲକ୍ଷ ଜନସଂଖ୍ୟାରେ ମୃତୁ୍ୟ କ୍ଷେତ୍ରେରେ ଜାତୀୟ ହାର ତୁଳନାରେ ୧୯ ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ମୃତୁ୍ୟହାର କମ୍ ରହିଛି । ଲାକ୍ଷାଦ୍ୱୀପରେ ପ୍ରତି ଦଶ ଲକ୍ଷ ଜନସଂଖ୍ୟାରେ ମୃତ୍ୟୁ ହାର ଶୂନ୍ୟ ରହିଛି ।
