ଜଗନ୍ନାଥ ପ୍ରସାଦ : ଗଞ୍ଜାମ ଜିଲ୍ଲା ଜଗନ୍ନାଥ ପ୍ରସାଦ ବ୍ଲକ ଅନ୍ତର୍ଗତ ରାଉତି ଗ୍ରାମରେ ପବିତ୍ର ସାଧାରଣତନ୍ତ୍ର ଦିବସ ଅବସରରେ କେଶବ ଚନ୍ଦ୍ର ସାହୁଙ୍କ ଘରେ ଗ୍ରାମର ବୟୋଜ୍ୟେଷ୍ଠ ବ୍ୟକ୍ତି ପି. କାହ୍ନୁ ଚରଣ ସେନାପତି ଓ ଅବସରପ୍ରାପ୍ତ ଶିକ୍ଷକ ଭାସ୍କର ଚନ୍ଦ୍ର ନାୟକଙ୍କ ଦ୍ଵାରା ରକ୍ତଦାନ ଶିବିର ଉଦଘାଟନ ହୋଇଯାଇଛି । କେଶବ ଚନ୍ଦ୍ର ସାହୁଙ୍କ ପୁତ୍ର ସ୍ଵେଚ୍ଛାସେବୀ ସିମାଞ୍ଚଳ ସାହୁ (ଭଞ୍ଜ) ଙ୍କ ନେତୃତ୍ଵରେ ନିଜ ପରିବାର ଓ ବନ୍ଧୁ ବାନ୍ଧବ ଓ କଲେଜର ବହୁ ପୁରାତନ ଛାତ୍ର ମାନଙ୍କ ପୂର୍ଣ୍ଣ ସହଯୋଗରେ ୧୨ ଜଣ ମହିଳାଙ୍କ ସମେତ ୭୦ ଜଣ ରକ୍ତ ଦାନ କରିଥିଲେ। ଏହି ଶିବିରରେ ବସନ୍ତ କୁମାର ସାହୁ, ଏ ଶ୍ରଦ୍ଧାଞ୍ଜଳୀ ପାତ୍ର, ପି. ଲୋକନାଥ ସେନାପତି, ଏ. କୁନା ପାତ୍ର, ବିବେକାନନ୍ଦ ନାୟକ,। ରେଡକ୍ରସ କାଉନ୍ସିଲର ପ୍ରାଧ୍ୟାପକ ଲୋକନାଥ ମହାନ୍ତି, ସୁରକ୍ଷା ସ୍ଵେଚ୍ଛାସେବୀ ସଂଗଠନର ସଭାପତି ସରୋଜ କୁମାର ନାୟକ ଓ ସମାଜ ସେବୀ ପ୍ରଦୀପ କୁମାର ସେନାପତି, ସ୍ଵେଚ୍ଛାସେବୀ ଦେବାଶୀଷ ଷଡଙ୍ଗୀ ରକ୍ତଦାତା ମାନଙ୍କୁ ଉତ୍ସାହିତ କରିବା ସହିତ ରକ୍ତଦାନ କାର୍ଯ୍ୟକ୍ରମକୁ ସଂଯୋଜନା କରିଥିଲେ । ରକ୍ତଦାତା ମାନଙ୍କୁ ନେଇ ଏକ ସାଧାରଣ ସଭା ଅନୁଷ୍ଠିତ କରି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ମୁଖ୍ୟ ଡଃ ଦିବାକର ଷଡଙ୍ଗୀ ଓ ଆୟୋଜକ ଙ୍କ ପିତା ମାତା ପ୍ରସଂଶା ପତ୍ର ପ୍ରଦାନ କରିଥିଲେ। ଭଞ୍ଜନଗର ରକ୍ତ ଭଣ୍ଡାରରୁ ଆସିଥିବା ଦୁଃଖୀଶ୍ଯାମ ମହାପାତ୍ର ଚିତ୍ତ ରଞ୍ଜନ ଖଟୁଆ, ଇତିଶ୍ରୀ ତ୍ରିପାଠୀ, ବିପିନ କୁମାର ପାଣିଗ୍ରାହୀ, କିଶୋର ଚନ୍ଦ୍ର ବେହେରା, ସିମାଞ୍ଚଳ ସେଠି, ନାରାୟଣ ପାଢି ଓ ପ୍ରମୋଦ କୁମାର ପ୍ରଧାନ ରକ୍ତ ସଂଗ୍ରହ କରି ଭଞ୍ଜନଗର ରକ୍ତ ଭଣ୍ଡାର କୁ ନେଇଥିଲେ। ଏହି କାର୍ଯ୍ୟକ୍ରମରେ ସ୍ବେଛାସେବୀ ଜଗନ୍ନାଥ ପ୍ରଧାନ, ଆଲ୍ଲାଦିନି ପ୍ରଧାନ, ସ୍ନେହଲତା ପ୍ରଧାନ, ଗୀତାଞ୍ଜଳି ସାହୁ ଓ ନିରୁପମା ସାହୁ ପୂର୍ଣ୍ଣ ସହଯୋଗ କରିଥିଲେ। ଆମ ଅଞ୍ଚଳରେ ଗୋଟିଏ ପରିବାରରେ ପ୍ରଥମ କରି ଏପରି ରକ୍ତଦାନ ଶିବିର ଅନୁଷ୍ଠିତ ହୋଇଥିବା ଯୋଗୁଁ ଯୁବ ରେଡକ୍ରସ ତରଫରୁ ଉଚ୍ଚ ପ୍ରଶଂସା କରାଯାଇଛି।
ଜଗନ୍ନାଥ ପ୍ରସାଦ ରୁ ଚିତ୍ତରଞ୍ଜନ ଗନ୍ତାୟତ ଙ୍କ ରିପୋର୍ଟ
