ନାବାଳିକାକୁ ଦୁଷ୍କର୍ମ ଉଦ୍ୟମ 

ଭଦ୍ରକ – ଭଦ୍ରକ ଜିଲା ଧାମନଗର ଥାନା ଅଧୀନସ୍ଥ ଇଚ୍ଛଦା ଗାଁରେ ଟ୍ୟୁସନରୁ ଫେରୁଥିବା ଜଣେ ନାବାଳିକାକୁ ଉଠାଇ ନେଇ ଦୁଷ୍କର୍ମ ଉଦ୍ୟମ ହୋଇଥିବାର ଅଭିଯୋଗ ହୋଇଛି । ପ୍ରାପ୍ତ ଖବରରୁ ଯାହା ଜଣାଯାଏ ଉକ୍ତ ଗ୍ରାମର ନାବାଳିକା ଜଣକ ଟ୍ୟୁସନରୁ ଫେରିବା ସମୟରେ ସେହି ଗାଁର ଜଣେ ଯୁବକ ତାଙ୍କୁ ରାସ୍ତାରୁ ଉଠାଇ ନେଇ ଦୁଷ୍କର୍ମ ଉଦ୍ୟମ କରିଥିଲା । ନାବାଳିକା ଜଣକ ପାଟିକରି ଚିତ୍କାର କରିବାରୁ ଅଭିଯୁକ୍ତ ଯୁବକ ତାକୁ ଛାଡି ପଳାଇଥିଲା । ଏହି ଘଟଣାରେ ନାବାଳିକାର ପରିବାର ପକ୍ଷରୁ ଧାମନଗର ଥାନାରେ ଏକ ଅଭିଯୋଗ ହୋଇଛି । ପୁଲିସ୍ ଘଟଣାର ତଦନ୍ତ କରି ଅଭିଯୁକ୍ତ ଯୁବକକୁ ଧରିବାରେ ଉଦ୍ୟମ ଜାରି ରଖିଛି ।