ଭଞ୍ଜନଗର(ଆପ୍ର): ସ୍ଥାନୀୟ କବି ସମ୍ରାଟ ଉପନ୍ଦ୍ରେ ଭଞ୍ଜ ମହାବିଦ୍ୟାଳୟର ୨୦୦୩ମସିହା ଯୁକ୍ତତିନି ଛାତ୍ରଙ୍କ ଏକ ବନ୍ଧୁ ମିଳନ କାର୍ଯ୍ୟକ୍ରମ ରବିବାର ଅନୁଷ୍ଠିତ ହୋଇଯାଇଛି । ନିକଟସ୍ଥ ବନବିହାର ପରିସରରେ ଆୟୋଜିତ ବନ୍ଧୁମିଳନ କାର୍ଯ୍ୟକ୍ରମକୁ ଟୁନା ନାୟକ, ସୁନୀଲ ପ୍ରଧାନ ଓ ପ୍ରଭାତ ମହାରଣାଙ୍କ ଆହୁତକ୍ରମେ ବହୁ ଦୂର ଦୂରାନ୍ତରୁ ଛାତ୍ରମାନେ ଏହି ବନ୍ଧୁ ମିଳନରେ ସାମିଲ୍ ହୋଇଥିଲେ । ପ୍ରାୟ ୫୦ରୁ ଊର୍ଦ୍ଧ୍ୱ ପୁରାତନ ଛାତ୍ରଙ୍କ ଗ୍ରହଣରେ ଆୟୋଜିତ କାର୍ଯ୍ୟକ୍ରମରେ ଆଗାମୀଦିନରେ ଯାହାର କିଛି ସମସ୍ୟା ଉପୁଜେ ତା’ ହେଲେ ନିଜ ନିଜ ଭିତରେ ଭାବ ଆଦାନ ପ୍ରଦାନ କରିବାକୁ ନିଷ୍ପତ୍ତି ହୋଇଥିଲା । ଆଗାମୀବର୍ଷ ଏହିଭଳି ବନ୍ଧୁ ମିଳନ ଦାରିଙ୍ଗିବାଡି ଠାରେ ଆୟୋଜିତ କରିବାକୁ ଆହ୍ୱାନ ଦେଇଥିଲେ ଦୀପକ କୁମାର ସାହୁ । ଆଗାମୀଦିନରେ ୨୦୦୩ମସିହାରେ ପାଠ ପଢ଼ାଉଥିବା ଅଧ୍ୟାପିକା ଅଧ୍ୟାପକଙ୍କୁ ପୁରାତନ ଛାତ୍ରମାନେ ସମ୍ବର୍ଦ୍ଧିତ କରିବା ପାଇଁ ନିଷ୍ପତ୍ତି ହୋଇଥିଲା । ଏଥିରେ ଗଞ୍ଜାମ ଜିଲ୍ଲା ତଥା ଭୁବନେଶ୍ୱର, କନ୍ଧମାଳ, ବେଙ୍ଗାଲର, ଦିଲ୍ଲୀରେ ରହିଥିବା ପୁରାତନ ଛାତ୍ରମାନେ ମଧ୍ୟ ଏଥିରେ ସାମିଲ୍ ହୋଇଥିଲେ ।
