ରାଷ୍ଟ୍ରିୟ ରାମାୟଣ ମହୋତ୍ସବ ର ପଞ୍ଚମ ଦିବସ

• ଗୋବିନ୍ଦ ଗୋଧାମ ଗୋଶାଳା ରେ ବଦ୍ରୀନାଥର ମହାମଣ୍ଡଳେଶ୍ୱର ବାଳକ ଯୋଗେଶ୍ୱର ଙ୍କ ଭବ୍ୟ ସ୍ୱାଗତ ସହ ବାଳକ ଯୋଗେଶ୍ୱର ଙ୍କ ପ୍ରଭୁ ଜଗନ୍ନାଥ ଙ୍କ କୃପା ପ୍ରାପ୍ତି,

କୈଳାଶ ଚନ୍ଦ୍ର ପଣ୍ଡା, ପୁରୀ

ଶ୍ରୀରାମ ସୁନ୍ଦରକାଣ୍ଡ ଚାରିଟେବୁଲ ଟ୍ରଷ୍ଟ ତରଫରୁ ଆଳିପଡ଼ା ଅବସ୍ଥିତ ଗୋବିନ୍ଦ ଗୋଧାମ ଗୋଶାଳା ଠାରେ ଚାଲିଥିବା ରାଷ୍ଟ୍ରିୟ ରାମାୟଣ ମହୋତ୍ସବ ର ପଞ୍ଚମ ଦିବସରେ ଉତ୍ତରାଖଣ୍ଡ ବଦ୍ରୀନାଥ ଧାମ ରୁ ମହାମଣ୍ଡଳେଶ୍ୱର ବାଳକ ଯୋଗେଶ୍ୱର ଦାସଜୀ ମହାରାଜ ମୁଖ୍ୟ ଅତିଥି ରୂପେ ପହଞ୍ଚିଵାକ୍ଷଣି ବେଦଧ୍ୱନି, ବାଦ୍ୟ ବଜାଇ ଭବ୍ୟ ସ୍ୱାଗତ କରାଯାଇଥିଲା |

ପ୍ରଭୁ ଶ୍ରୀଜଗନ୍ନାଥ ଙ୍କ ବାଡ଼ଗ୍ରାହୀ ମୁଖ୍ୟ ଦଇତାପତି ଜଗନ୍ନାଥ ସ୍ୱାଇଁ ମହାପାତ୍ର ଙ୍କ ସୁପୁତ୍ର ରାଜା ସ୍ୱାଇଁ ମହାପାତ୍ର ଉପସ୍ଥିତ ରହି ମହାମଣ୍ଡଳେଶ୍ୱର ବାଳକ ଯୋଗେଶ୍ୱର ଦାସଜୀ ମହାରାଜ, ଅନ୍ତରାଷ୍ଟ୍ରୀୟ ରାମକଥା ବାଚକ ତେଲେଙ୍ଗାନା ସୁରେଶ ସାରଡ଼ା, ଶରତ ସାରଡ଼ା ଙ୍କୁ ଶ୍ରୀକପଡା, ଅଙ୍ଗବସ୍ତ୍ର ଦେଇ ସଂମ୍ମାନିତ କରିଥିଲେ |ଗୋବିନ୍ଦ ଗୋଧାମ ର ମନ୍ଦିର ଦର୍ଶନ କରି ଯଜ୍ଞ ଦର୍ଶନ କରିବା ସହିତ ଗୋସେବା କରିଥିଲେ |ସମସ୍ତ କାର୍ଯ୍ୟକୁ ଟ୍ରଷ୍ଟ ର ପ୍ରତିଷ୍ଠାତା ତଥା ସମ୍ପାଦକ ପଣ୍ଡିତ ବିଷ୍ଣୁ ଚରଣ ପଣ୍ଡା ଜୀ ମହାରାଜ ପରିଚାଳନା କରିଥିଲେ |ଏହିସଭାରେ ପ୍ରଭୁ ଶ୍ରୀଜଗନ୍ନାଥ ଙ୍କ ବାଡ଼ଗ୍ରାହୀ ମୁଖ୍ୟ ଦଇତାପତି ଜଗନ୍ନାଥ ସ୍ୱାଇଁ ମହାପାତ୍ର ଙ୍କ ପରିବାର ସଦସ୍ୟ ରୋଜାଲିନ ଦଇତାପତି, ଅନୁସୟା ସ୍ୱାଇଁ ମହାପାତ୍ର, ଶିବାନୀ ଦଇତାପତି, ବୈଷ୍ଣବୀ ଦଇତାପତି ଏବଂ ILPF ର ଟ୍ରେଜେରର ପ୍ରଦୀପ୍ତ ମହାପାତ୍ର, ତିଳୋତମା ମହାପାତ୍ର ସଂମ୍ମାନିତ ଅତିଥି ଭାବେ ଯୋଗଦେଇଥିଲେ |