ବାଲେଶ୍ଵରରେ ‘ଜୀବନବିନ୍ଦୁ’ ଆୟୋଜନ କଲା ରକ୍ତଦାନ ଶିବିର

• ରେବତୀ’ର ସମ୍ପାଦିକା ସୁବାସିନୀ ଜେନା କଲେ ଶୁଭାରମ୍ଭ

ରକ୍ତଦାନ ମହାପୂଣ୍ୟ, ଏହି ଆଧାରରେ ‘ଓଡିଶା ମୋ ପରିବାର’ ପକ୍ଷରୁ ଆଜି ବାଲେଶ୍ବର ସ୍ଥିତ ମୁଖ୍ୟ ଚିକିତ୍ସାଳୟ ବ୍ଲଡ଼ ବ୍ୟାଙ୍କ ପରିସରରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇ ଯାଇଛି।

ଏହି କାର୍ଯ୍ୟକ୍ରମକୁ ମାସିକ ପାରିବାରିକ ପତ୍ରିକା ‘ରେବତୀ’ର ସମ୍ପାଦିକା ତଥା ବରିଷ୍ଠ ବିଜେଡି ନେତ୍ରୀ ଶ୍ରୀମତୀ ସୁବାସିନୀ ଜେନା ମୁଖ୍ୟ ଅତିଥି ଭାବେ ଯୋଗ ଦେଇ ଉଦଘାଟନ କରିଥିଲେ। ଫକୀରମୋହନ କଲେଜର ପ୍ରାକ୍ତନ ସଭାପତି ଶୁଭମ ସାଇ ମହାପାତ୍ରଙ୍କ ତତ୍ୱାବଧାନରେ ଅନୁଷ୍ଠିତ ହୋଇଥିବା ଏହି ଶିବିରରେ ‘ଓଡିଶା ମୋ ପରିବାର’ର ଜିଲ୍ଲା ସଂଯୋଜକ ମହମ୍ମଦ ଶାହିରୁଲ ହକ ଓ ବିଜେଡିର ବରିଷ୍ଠ ନେତା ପିଣ୍ଟୁ ଆଚାର୍ଯ୍ୟ, ମୁନା ସ୍ୱାଇଁ, ସନ୍ଦୀପ ପିଟର, ଅରୂପ ଜୋସେଫ, ଆନ୍ଥୋନି ଗୋମସ୍ ପ୍ରମୁଖ ଯୋଗ ଦେଇ ରକ୍ତଦାତାଙ୍କୁ ଉତ୍ସାହିତ କରିଥିଲେ l ଛାତ୍ର ନେତ୍ରୀ ରୀମା ଜୋସେଫଙ୍କ ନେତୃତ୍ୱରେ ହୋଇଥିବା ଏହି କାର୍ଯ୍ୟକ୍ରମରେ ସର୍ବମୋଟ ୩୧ ୟୁନିଟ୍ ରୁ ଅଧିକ ରକ୍ତ ସଂଗୃହୀତ ହୋଇଥିଲା।

ମୁଖ୍ୟ ଅତିଥି ଶ୍ରୀମତୀ ଜେନା ରକ୍ତଦାତାଙ୍କୁ କୃତଜ୍ଞତା ଜ୍ଞାପନ କରିବା ସହିତ ଗୋଟିଏ ଲେଖା ଚାରାଗଛ ବଣ୍ଟନ କରିଥିଲେ। ଏହି କାର୍ଯ୍ୟକ୍ରମକୁ ଅଭିଜିତ ବିଶ୍ୱାଳ, ହ୍ରିତିକ ନାୟକ, ତନୟା ଜେନା, ଋତୁରାଜ ବାରିକ, ଶୁଭ୍ରଜିତ ପରିଡା, ଅମିତ ମହାପାତ୍ର, ଜଗନ୍ନାଥ ବେହେରା, ମହେଶ ସେଠୀ, ବିବେକ କୁମାର ମହାନ୍ତି, ଜସ୍ମିନ ଗିରି ପ୍ରମୁଖ ପରିଚାଳନା କରିଥିଲେ l