ଶିବରାମ ଚୌଧୁରୀ,ବେଲଗୁଣ୍ଠା
ଆଜି ବେଲଗୁଣ୍ଠା ପୋଲିସ୍ ରାସ୍ତା କଡ଼ରୁ ଜଣେ ବୃଦ୍ଧଙ୍କ ମୃତ ଦେହ ଉଦ୍ଧାର କରି ଅପମୃତ୍ୟୁ ମାମଲା ରୁଜୁ କରିବା ସହ ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି I ସୂଚନା ପ୍ରକାରେ ବେଲଗୁଣ୍ଠା ବ୍ଳକ୍ ବାଲାକିଆରି ଗ୍ରାମର ଜଗା ନାଇକ (62) ର ପୂର୍ବରୁ ମୁଣ୍ଡ ଦୋଷ ଥିବା ବେଳେ ଚାରି ପାଞ୍ଚ ଦିନ ହେବ ଘରକୁ ଆସୁନଥିଲା I ଆଜି ସକାଳେ ବର ଗାଆଁ ଗୁଣ୍ଡିରିବାଡି ରାସ୍ତା କେନାଲ୍ ନିକଟରେ ଜଗା ମରି ପଡ଼ିଥିବାର କିଛି ସ୍ଥାନୀୟ ଲୋକ ଦେଖିବା ପରେ ବେଲଗୁଣ୍ଠା ଥାନାକୁ ଖବର ଦେଇଥିଲେ I ଖବର ପାଇ ବେଲଗୁଣ୍ଠା ପୋଲିସ୍ ଘଟଣା ସ୍ଥଳରେ ପହଞ୍ଚି ଜଗାର ଶବକୁ ଉଦ୍ଧାର କରି ଭଞ୍ଜନଗର ମେଡିକାଲରେ ବ୍ୟବଚ୍ଛେଦ କରାଇ ଜଗାର ପରିବାର ଲୋକଙ୍କୁ ହସ୍ତାନ୍ତର କରିଥିବା ସୂଚନା ମିଳିଛି I ଏନେଇ ପୋଲିସ୍ ପକ୍ଷରୁ ବେଲଗୁଣ୍ଠା ଥାନାରେ କେଶ୍ ନମ୍ବର୍ 02/21 ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଥିବା ବେଲଗୁଣ୍ଠା ଥାନା ସବ୍ ଇନ୍ସପେକ୍ଟର ପ୍ରକାଶ କୁମାର ସାହୁ ପ୍ରକାଶ କରିଛନ୍ତି I
