ପୁରୀ – ବଲିଉଡ଼୍ ର ମହାନାୟକ ବିଗ୍ ବି ଅମିତାଭ ବଚ୍ଚନଙ୍କ ୭୭ତମ ଜନ୍ମଦିବସ ଉପଲକ୍ଷେ ତାଙ୍କ ନିକଟକୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟିଛି । ଅମିତାଭଙ୍କ କିଛି ସମର୍ଥକ ତାଙ୍କୁ ସୋସିଆଲ୍ ମିଡ଼ିଆରେ ଜନ୍ମଦିନର ଶୁଭେଚ୍ଛା ଜଣାଇଥିବା ବେଳେ ଆଉ କେତେକ ପ୍ରଶଂସକ ତାଙ୍କୁ ଭେଟିବା ପାଇଁ ମୁମ୍ବାଇ ଜୁହୁସ୍ଥିତ ବାସଭବନ ସାମ୍ନାରେ ଭିଡ଼ ଜମାଇଛନ୍ତି । ଏହି କ୍ରମରେ ଓଡ଼ିଶାର ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ନିଆରା ଢ଼ଙ୍ଗରେ ନିଜର ବାଲୁକା କଳା କୃତି ମାଧ୍ୟମରେ ବିଗ୍ ବି ଙ୍କୁ ଜଣାଇଛନ୍ତି ଜନ୍ମ ଦିନର ଅନେକ ଅନେକ ଶୁଭେଚ୍ଛା । ଏଥିପାଇଁ ସେ ୫ ଟନ୍ ବାଲିର ବ୍ୟବହାର କରିଛନ୍ତି । ବେଳାଭୂମିରେ ସୁଦର୍ଶନଙ୍କ ଏହି ବାଲୁକା କଳାକୁ ବେଶ୍ ପସନ୍ଦ କରିଛନ୍ତି ସମୁଦ୍ରକୂଳକୁ ବୁଲି ଆସୁଥିବା ଦେଶି ବିଦେଶୀ ପର୍ଯ୍ୟଟକ ମାନେ ।
