ଆତ୍ମାହୁତି ଉଦ୍ୟମ : ଦେହରେ କିରୋସିନି ଢ଼ାଳି ନିଆଁ ଲଗାଇ ଥାନା ଭିତରକୁ ପଶିଗଲେ ଯୁବକ : ଗୁରୁତର ଅବସ୍ଥାରେ ମେଡ଼ିକାଲରେ ଭର୍ତି 

ଅନୁଗୋଳ– ନିଜ ଦେହରେ କିରୋସିନି ଢ଼ାଳି ଆତ୍ମାହୁତି ଉଦ୍ୟମ କରିଛନ୍ତି ଜଣେ ଯୁବକ । ଯୁବକ ଜଣକ ଥାନା ଭିତରକୁ ପଶି ଯାଇଥିବା ବେଳେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ମେଡିକାଲରେ ଭର୍ତି କରିଛି ପୋଲିସ । ଯୁବକଙ୍କ ଦେହରୁ ନିଆଁ ଲିଭାଇବାକୁ ଯାଇ ଜଣେ କନଷ୍ଟେବଳ ମଧ୍ୟ ଆହତ ହୋଇଛନ୍ତି । ଆଜି ଏଭଳି ଏକ ଅଭାବନୀୟ ଘଟଣା ଘଟିଛି ଅନୁଗୋଳ ଜିଲ୍ଲା ପାଲଲହଡ଼ା ଥାନା ସମ୍ମୁଖରେ ।

କୌଣସି କାରଣରୁ ନିଜର ମାନସିକ ଭାରସାମ୍ୟ ହରାଇ ବସିଥିବା ଇଶ୍ୱର ନଗର ଅଂଚଳର ସମ୍ପୃକ୍ତ ଯୁବକ ଜଣକ ନିଜ ଦେହରେ କିରୋସିନି ଢ଼ାଳିବା ସହ ନିଆଁ ଲଗାଇ ଥାନା ଭିତରକୁ ପଶିଯାଇଥିଲେ । ପୋଲିସ ଏନେଇ ଅଧିକ ତଦନ୍ତ ଜାରୀ ରହିଛି । ଏହି ଘଟଣା ପଛରେ କେବଳ ପ୍ରେମ ବ୍ୟାପାର ରହିଛି କିମ୍ବା ଅନ୍ୟ କୌଣସି କାରଣରୁ ଯୁବକ ଜଣକ ଏଭଳି ପଦକ୍ଷେପ ନେଇଥିଲେ, ପୋଲିସ ସେନେଇ ଅଧିକ ତଦନ୍ତ ଜାରୀ ରଖିଛି । ତେବେ ପ୍ରାଥମିକ ତଦନ୍ତରୁ ଯୁବକ ଜଣକ ମାନସିକ ବିକୃତି ରହିଥିବା ପୋଲିସ ଜାଣିବାକୁ ପାଇଛି ।