ଓଲଟିଲା ବୋଲେରୋ : ୪ ମୃତ, ୪ ଗୁରୁତର 

କେନ୍ଦୁଝର– କେନ୍ଦୁଝର ଜିଲ୍ଲା ପଣ୍ଡାପଡ଼ା ଥାନା ଅନ୍ତର୍ଗତ ସୋମଗିରି ନିକଟରେ ଗତକାଲି ରାତି ପ୍ରାୟ ୨ଟା ସମୟରେ ଏକ ବୋଲେରୋ ଭାରସାମ୍ୟ ହରାଇ ପ୍ରଥମେ ଏକ ଗଛରେ ପଟି ହେବା ପରେ ରାସ୍ତାର ୧୦ ଫୁଟ୍ ତଳକୁ ଖସି ପଡିଥିଲା । ଫଳରେ ୪ ଜଣଙ୍କ ମୃତ୍ୟୁ ଘଟିବା ସହ ୪ ଜଣ ଗୁରୁତର ଭାବେ ଆହତ ହୋଇଛନ୍ତି । ଗୁରୁତର ମାନଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି । ଏମାନେ ସମସ୍ତେ ମୟୂରଭଞ୍ଜ ଜିଲ୍ଲା ହାଟବାଦଲାର ତେଂଟପଶି ଗ୍ରାମରୁ ଗାଇ କିଣିବାକୁ ବୋଲେରୋ ନଂ ଓଡ଼ି୧୧ଏ-୨୮୫୫ ଯୋଗେ କେନ୍ଦୁଝର ଜିଲ୍ଲାର ଜିରାଙ୍ଗ ଅଂଚଳକୁ ଯାଉଥିବା ବେଳେ ଏହି ଦୁର୍ଘଟଣା ଘଟିଥିଲା ।