ଭୁବନେଶ୍ବର, ଆଜି ମଙ୍ଗଳବାର ଦିନ ୧୧ ଘଟିକା ସମୟରେ ଶ୍ରୀରାମ ଜନ୍ମଭୂମି ମନ୍ଦିର ନିର୍ମାଣ ନିଧି ସମର୍ପଣ ଅଭିଯାନ ତରଫରୁ ଏକ ବିଶାଳ ସନ୍ଥ ସମ୍ମିଳନୀ ଭୁବନେଶ୍ୱର ସମ୍ ହସ୍ପିଟାଲ ଛକ ନିକଟରେ ଥିବା ଠାକୁର ଅଭିରାମ ପରମହଂସଙ୍କ ଆଶ୍ରମରେ ଅନୁଷ୍ଠିତ ହେବ । ଏହି ସମ୍ମିଳନୀରେ ସ୍ୱାମୀ ବ୍ରହ୍ମାନନ୍ଦ ସରସ୍ୱତୀ, ସ୍ୱାମୀ ଶଙ୍କରାନନ୍ଦ ସରସ୍ୱତୀ, ସ୍ୱାମୀ ଶ୍ରଦ୍ଧାନନ୍ଦ ସରସ୍ୱତୀ, ବାବା ରମେଶ ଦାସ, ସ୍ୱାମୀ ଭାସ୍କର ତୀର୍ଥ ମହାରାଜଙ୍କ ସମେତ ଅନେକ ସାଧୁସନ୍ଥ ଯୋଗ ଦେବେ । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥିରୂପେ ବିଶ୍ୱହିନ୍ଦୁ ପରିଷଦର କ୍ଷେତ୍ରୀୟ ସଂଗଠନ ମନ୍ତ୍ରୀ ଶ୍ରୀ ସପନ ମୁଖାର୍ଜି ଯୋଗ ଦେବେ ।
