କୃଷ୍ଣ କୁମାର ମହାନ୍ତି, ବାଲେଶ୍ଵର
ବାଲେଶ୍ବର ମୁଖ୍ୟ ଚିକିତ୍ସାଳୟସ୍ଥ ବ୍ଲଡ଼ ବ୍ୟାଙ୍କ ପରିସରରେ ସୋମବାର ଦିନ ‘ଓଡିଶା ମୋ ପରିବାର’ ଆନୁକୂଲ୍ୟରେ ଏକ ରକ୍ତଦାନ ଶିବିର ଆୟୋଜିତ ହୋଇଯାଇଛି।
ଏହି କାର୍ଯ୍ୟକ୍ରମରେ ବରିଷ୍ଠ ନେତ୍ରୀ ତଥା ସମାଜସେବୀ ସୁବାସିନୀ ଜେନା ମୁଖ୍ୟ ଅତିଥି ଭାବେ ଯୋଗ ଦେଇ ଶିବିରକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ l ଫକୀର ମୋହନ କଲେଜର ପ୍ରାକ୍ତନ ସଭାପତି ଶୁଭମ ସାଇ ମହାପାତ୍ରଙ୍କ ନେତୃତ୍ୱରେ ହୋଇଥିବା ଏହି କାର୍ଯ୍ୟକ୍ରମ ରେ ‘ଓଡିଶା ମୋ ପରିବାର’ର ଜିଲ୍ଲା ସଂଯୋଜକ ଏମ.ଡି. ଶାହିରୁଲ୍ ହକ୍, ବିଜୁ ଯୁବ ଜନତା ଦଳର ଜୋନାଲ ସଭାପତି ଜୟରାମ ଦାସ ଓ ବିଜେଡି ନେତା ପିଣ୍ଟୁ ଆଚାର୍ଯ୍ୟ, ଭରତଭୁଷଣ ଦାସ, ରାଜଲକ୍ଷ୍ମୀ ଚାଟାର୍ଜୀ, ଜୟନ୍ତୀ ଦତ୍ତ ପ୍ରମୁଖ ଯୋଗ ଦେଇ ରକ୍ତଦାତାଙ୍କୁ ଉତ୍ସାହିତ କରିଥିଲେ l
ଯୁବନେତା ହ୍ରିତିକ୍ ନାୟକଙ୍କ ତତ୍ୱାବଧାନରେ ହୋଇଥିବା ଏହି କାର୍ଯ୍ୟକ୍ରମରେ ୩୦ ୟୁନିଟ ରକ୍ତ ସଂଗୃହୀତ ହୋଇଥିଲା l ଭବିଷ୍ୟତରେ ମଧ୍ୟ ଏହି ଭଳି କାର୍ଯ୍ୟକ୍ରମର ଆୟୋଜନ କରାଯିବ ବୋଲି ଯୁବନେତା ଶ୍ରୀନାୟକ ପ୍ରକାଶ କରିଛନ୍ତି। ଏହି କାର୍ଯ୍ୟକ୍ରମକୁ ରୀମା ଜୋସେଫ, ଜ୍ୟୋତି ପ୍ରକାଶ ରାଉତ୍ , ରଜତ ବାରିକ୍, ଶୁଭ୍ରାଂଶୁ ରଣା ଏବଂ ଅଭିଜିତ ବିଶ୍ୱାଳ, ସତ୍ୟ କୁମାର, ମୁକ୍ତି ପ୍ରମୁଖ ପରିଚାଳନା କରିଥିଲେ।
