ଶିବରାମ ଚୌଧୁରୀ,ବେଲଗୁଣ୍ଠା
କରୋନା କଟକଣା କୋହଳ ହେବା ପରେ ବେଲଗୁଣ୍ଠା ଘୁମୁସର ବୈଷୟିକ ଉଚ୍ଚ ବିଦ୍ୟାଳୟରେ ଅଧ୍ୟୟନ କରିଥିବା 2002 ମାଟ୍ରିକ୍ ବ୍ୟାଚ୍ ର ଏକ ବନ୍ଧୁ ମିଳନ ପର୍ବ ଅନୁଷ୍ଠିତ ହୋଇଯାଇଛି I ପୂର୍ବତନ ଛାତ୍ର ଶିବ ପ୍ରସାଦ ମହାପାତ୍ରଙ୍କ ପୌରୋହିତ୍ୟରେ ହିଞ୍ଜିଳିର ମାଆ କରେଇ ଶୁଣି ଶକ୍ତି ପୀଠରେ ଅନୁଷ୍ଠିତ ବନ୍ଧୁ ମିଳନ ପର୍ବରେ ପୁରାତନ ଛାତ୍ର ରଜନୀକାନ୍ତ ପାତ୍ର, ଭି.ସନ୍ତୋଷ କୁମାର ପାତ୍ର ଦିଲ୍ଲିପ୍ ମହାରଣାଙ୍କ ସମେତ ଅନ୍ୟମାନେ ଉପସ୍ଥିତ ଥିଲେ I ବହୁ ଦିନ ପରେ ବନ୍ଧୁମାନେ ଗୋଟିଏ ସ୍ଥାନରେ ପରସ୍ପରକୁ ଭେଟି ଭାବର ଆଦାନପ୍ରଦାନ କରିବା ସହ କାର୍ଯ୍ୟକ୍ରମଟିକୁ ବେଶ୍ ଉତ୍ସବ ମୁଖର କରିଥିଲେ I ଆଗାମୀ ଦିନରେ ନିଜ ନିଜର ପରିବାର ସଦସ୍ୟଙ୍କୁ ନେଇ ଏକ ବନ୍ଧୁ ମିଳନ ପର୍ବ ଆୟୋଜନ କରାଯିବ ବୋଲି ପୁରାତନ ଛାତ୍ରମାନେ ଆଲୋଚନା କରିଥିଲେ I
