ବିଦାୟକାଳୀନ ସମ୍ବର୍ଦ୍ଧନା ସଭା

ବେଲଗୁଣ୍ଠା ବ୍ଳକ୍ ଅନ୍ତର୍ଗତ ନାଟେଙ୍ଗା ଦୀନବନ୍ଧୁ ବିଦ୍ୟାପୀଠ ଠାରେ ଘୁମୁସର ଶାରିରୀକ ଶିକ୍ଷା ଶିକ୍ଷକ ଓ ଶିକ୍ଷିକା ସଂଘ ତରଫରୁ ମଳୟ ରଞ୍ଜନ ପଣ୍ଡାଙ୍କ ସଭାପତିତ୍ଵରେ ଭଞ୍ଜନଗର, ବେଲଗୁଣ୍ଠା, ସୋରଡା ଓ ଜଗନ୍ନାଥପ୍ରସାଦ ବ୍ଳକ୍ ର ବିଭିନ୍ନ ଉଚ୍ଚ ବିଦ୍ୟାଳୟରେ କ୍ରୀଡ଼ା ଶିକ୍ଷକ ଭାବେ ନିକଟରେ ଅବସର ଗ୍ରହଣ କରିଥିବା 5 ଜଣ ଶିକ୍ଷକ ଶିକ୍ଷୟିତ୍ରୀଙ୍କୁ ବିଦାୟ କାଳୀନ ସମ୍ବର୍ଦ୍ଧନା ଦିଆଯାଇଥିଲା I ମୁଖ୍ୟ ଅତିଥି ଭାବେ ଅକ୍ଷୟ କୁମାର ପଟ୍ଟନାୟକ, ମୁଖ୍ୟ ବକ୍ତା ଭାବେ ଭାଗିରଥୀ ସ୍ଵାଇଁ, ସମ୍ମାନୀତ ଅତିଥି ଭାବେ ଦାମୋଦର ରାଉତ୍ ବିନାୟକ ହୋତା, ମୋଚୀରାମ୍ ରଣ ସିଂ ଓ ରାଧାକାନ୍ତ ନାୟକ ଯୋଗ ଦେଇଥିଲେ I ଚାରୋଟି ବ୍ଳକ୍ ରୁ ଅବସର ଗ୍ରହଣ କରିଥିବା ଶଶି ଭୂଷଣ ଉଚ୍ଚ ବିଦ୍ୟାଳୟର ସୁବାଷ ଚନ୍ଦ୍ର ଗୌଡ,ହାଡୁ ସରାବ ଉଚ୍ଚ ବିଦ୍ୟାଳୟର ବିପ୍ର ଚରଣ ସ୍ଵାଇଁ, ଭଞ୍ଜନଗର ବ୍ଳକ୍ ତୂରୂମୂ ସ୍ୱାମୀ ଚିଦାନନ୍ଦ ଉଚ୍ଚ ବିଦ୍ୟାଳୟର ପୁରୁଷୋତ୍ତମ ଦଳବେହେରା , ବେଲଗୁଣ୍ଠା ବ୍ଳକ୍ ଧୂମୂଛାଇ ଉଚ୍ଚ ବିଦ୍ୟାଳୟର ଶିକ୍ଷୟିତ୍ରୀ ଗୀତାଞ୍ଜଳି ତ୍ରୀପାଠୀ, ଭଞ୍ଜନଗର ବ୍ଲକ୍ ଲାଲ ସିଂ ଉଚ୍ଚ ବିଦ୍ୟାଳୟର କାହ୍ନୁ ରାଉତ ନିକଟରେ ଅବସର ଗ୍ରହଣ କରିଥିଲେ I ଏହି ଅବସରପ୍ରାପ୍ତ ଶିକ୍ଷକ ଶିକ୍ଷୟିତ୍ରୀଙ୍କୁ ମାନପତ୍ର, ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇଥିଲା I କାର୍ଯ୍ୟକ୍ରମରେ ଆୟୋଜକ ମାନେ ବିଦାୟୀ ଶିକ୍ଷକ ଶିକ୍ଷୟିତ୍ରୀଙ୍କ ଆଦର୍ଶରେ ଅନୁପ୍ରାଣିତ ହେବାକୁ ଶପଥ ନେଇଥିଲେ I ସନାତନ ନାୟକ ଅତିଥି ପରିଚୟ ପ୍ରଦାନ କରିଥିବା ବେଳେ ସୁରେନ୍ଦ୍ର ବିଶ୍ୱାଳ ଧନ୍ୟବାଦ ଜ୍ଞାପନ କରିଥିଲେ I ଏହି ସମସ୍ତ କାର୍ଯ୍ୟକ୍ରମକୁ ଗାଙ୍ଗପୁର ଉଚ୍ଚ ବିଦ୍ୟାଳୟର କ୍ରୀଡ଼ା ଶିକ୍ଷକ ଆଶୁତୋଷ ସ୍ଵାଇଁ ପରିଚାଳନା କରିଥିଲେ I ଚାରୋଟି ବ୍ଳକ୍ ରୁ 80 ରୁ ଊର୍ଦ୍ଧ୍ୱ କ୍ରୀଡ଼ା ଶିକ୍ଷକ ଶିକ୍ଷୟିତ୍ରୀ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ I