ଖୋର୍ଦ୍ଧା – ଶ୍ରଦ୍ଧାଳୁଙ୍କ ମୁଣ୍ଡ ଓ ପିଠିରେ ଗୋଡ ରଖି ଆର୍ଶିବାଦ ଦେଉଛନ୍ତି ପୂଜକ । ଖୋର୍ଦ୍ଧା ଜିଲ୍ଲା ବାଣପୁର ପଲଟଣ ପଡ଼ିଆରେ ଗତ ଦଶହରା ଦିନର ଏହି ଦୃଶ୍ୟ ଏବେ ସୋସିଆଲ୍ ମିଡ଼ିଆରେ ଭାଇରାଲ୍ ହେବାରେ ଲାଗିଛି ।
ଘଟଣାରୁ ପ୍ରକାଶ ଯେ, ଦଶହରା ଦିନ ନିଜ ନିଜର ଗାଡି ପୂଜା କରିବା ପାଇଁ କେତେକ ଡ୍ରାଇଭର ଓ ମାଲିକ ଏଠାକୁ ଆସିଥିଲେ । ତେବେ ଗାଡି ପୂଜା ସାରିବା ପରେ ସେମାନେ ପୂଜକଙ୍କ ଠାରୁ ଆର୍ଶିବାଦ ନେବା ନିମିତ ସେଠାରେ ଧାଡି କରି ବସି ରହିଥିଲେ । ଏହି ସମୟରେ ପୂଜକ ଆସି ମାଲିକ ଓ ଡ୍ରାଇଭର ମାନଙ୍କ ମୁଣ୍ଡ ଓ ପିଠିରେ ଗୋଡ ରଖି ଆର୍ଶିବାଦ ଦେଇଥିଲେ । କେହି ପୂଜକଙ୍କ ଏଭଳି ଭିନ୍ନ ଢ଼ଙ୍ଗରେ ଆର୍ଶିବାଦ ଦେବା ଦୃଶ୍ୟକୁ ମୋବାଇଲ୍ ରେ କଏଦ୍ କରି ପରବର୍ତି ସମୟରେ ଏହାକୁ ସୋସିଆଲ୍ ମିଡ଼ିଆରେ ଭାଇରାଲ୍ କରିବା ପରେ ସମ୍ପୂର୍ଣ୍ଣ ଘଟଣା ସାମ୍ନାକୁ ଆସିଥିଲା । ସମ୍ପୃକ୍ତ ପୂଜକଙ୍କ ନାମ ରାମଚନ୍ଦ୍ର ସାମନ୍ତରାୟ ବୋଲି ଜଣାପଡିଛି ।
