ନୟାଗଡ଼– ଏସଆଇଟି ମୁଖ୍ୟ ଅରୁଣ ବୋଥ୍ରାଙ୍କ ସାମ୍ବାଦିକ ସମ୍ମିଳନୀ ଉପରେ ନିଜର ପ୍ରତିକ୍ରିୟା ରଖି ମୃତ ନାବାଳିକା ପରୀର ବାପା ଅଶୋକ ସାହୁ କହିଛନ୍ତି ଯେ, ସରୋଜ ସେଠୀ ସେଭଳି ପିଲା ନୁହେଁ ବରଂ ମାମଲାରେ ତାଙ୍କୁ ମୋହରା କରାଯାଉଛି । ଆମେ ସିବିଆଇ ତଦନ୍ତ ଦାବି କରୁଥିବାରୁ ଏଭଳି ନାଟକ କରୁଛନ୍ତି । ଘଟଣା ଦିନ ଆମ ଝିଅ ଅନ୍ୟ ଦୁଇ ଜଣ ପିଲାଙ୍କ ସହିତ ଖେଳୁଥିଲା । ସେ ପିଲା ଦୁଇ ଜଣ କହୁଛନ୍ତି ଯେ, ଝିଅକୁ କାହ୍ନୁ ନାଏକ ନେଇଗଲା । କାହ୍ନୁ ନେଇଛି, ବାବୁଲିକୁ ଦେଇଛି ତାର ଅଙ୍ଗ ତସ୍କରୀ କରାଯାଇଛି । ଏସଆଇଟି ତଦନ୍ତରେ କୌଣସି ତଥ୍ୟ ନାହିଁ, ସବୁ ମନ ଗଢ଼ା କାହାଣୀ ବୋଲି ସେ କହିଛନ୍ତି । ତାଙ୍କର ଏହି ପ୍ରତିକ୍ରିୟା ପରେ ଏସଆଇଟିର ତଦନ୍ତ ପ୍ରକ୍ରିିୟା ଉପରେ ମଧ୍ୟ ସାଧାରଣରେ ପ୍ରଶ୍ନ ଉଠିଛି ।
