ଜଟଣୀ – ପବିତ୍ର ଶାରଦୀୟ ଦୁର୍ଗାପୂଜା ଅବସରରେ ଜଟଣୀର ବିଭିନ୍ନ ସ୍ଥାନରେ ରାବଣ ପୋଡ଼ି ଉତ୍ସବ ଅନୁଷ୍ଠିତ ହୋଇଯାଇଛି । ସ୍ଥାନୀୟ ଥାନା ଛକ ପଡ଼ିଆରେ କର୍ମ ମନ୍ଦିର ଅନୁଷ୍ଠାନ ପକ୍ଷରୁ ରାବଣପୋଡ଼ି ଉତ୍ସବ, ସାଂସ୍କୃତିକ କାର୍ଯ୍ୟକ୍ରମ ସହ ସମ୍ବର୍ଦ୍ଧନା ସଭାର ଆୟୋଜନ କରାଯାଇଥିଲା । ଏହି ଉତ୍ସବରେ ରାଜ୍ୟ ବିଜେପି ମୁଖପାତ୍ର ସୁଦିପ୍ତ ରାୟଙ୍କ ପୌରହିତ୍ୟରେ ପୂର୍ବତନ ଡ଼ିଜି ତଥା ବିଜେପିର ବରିଷ୍ଠ ସଦସ୍ୟ ପ୍ରକାଶ ମିଶ୍ର ଯୋଗଦେଇ ରାବଣ ପୋଡ଼ି ଉତ୍ସବକୁ ଉଦଘାଟନ୍ କରିବା ସହ ଉତ୍ସବ ସମ୍ପର୍କରେ ଆଲୋକପାତ କରିଥିଲେ । ଏହି ଉତ୍ସବରେ ବିିଭିନ୍ନ ବର୍ଗର ବ୍ୟକ୍ତି ବିଶେଷ ତଥା ଚଳିତ ବର୍ଷ ଜଟଣୀରେ ଗଣେଶ ଭସାଣୀ ଉତ୍ସବର ଆକର୍ଷଣୀୟ ପୂଜା ପେଣ୍ଡାଲଗୁଡ଼ିକୁ ଏହି ମଂଚରେ ସମ୍ମାନୀତ ଓ ପୁରସ୍କୃତ କରାଯାଇଥିଲା । ପରେ ପରେ ଅନୁଷ୍ଠାନ ପକ୍ଷରୁ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ଅନୁଷ୍ଠାନର ସମସ୍ତ କର୍ମକର୍ତା ସହଯୋଗ କରିଥିଲେ ।
