ଜଟଣୀ – ପବିତ୍ର ନବରାତ୍ରୀ ଅବସରରେ ସ୍ଥାନୀୟ ସହରରେ ବସବାସ କରୁଥିବା ଗୁଜୁରାଟି ସଂପ୍ରଦାୟଙ୍କ ପ୍ରମୁଖ ପାରଂପରିକ ଉତ୍ସବ ‘ଦାଣ୍ଡିଆ ନୃତ୍ୟ’ ଅନୁଷ୍ଠିତ ହୋଇଯାଇଛି । ଗ୍ରୁପ୍ ଅଫ୍ ଡାଇନାମିକ୍ ଅନୁଷ୍ଠାନ ଦ୍ୱାରା ଆୟୋଜିତ ଦାଣ୍ଡିଆ ମହୋତ୍ସବ ସ୍ଥାନୀୟ ଟାଉନ୍ ହଲ୍ ପରିସରରେ ଅନୁଷ୍ଠିତ ହୋଇଥିଲା । ଏହି ଉତ୍ସବକୁ ବିଜେପିର ସ୍ଥାନୀୟ ନେତା ବିଶ୍ୱରଞ୍ଜନ ବଡ଼ଜେନାଙ୍କ ସମେତ ପଦ୍ମଚରଣ ପ୍ରଧାନ, ମିଟୁ ମାର୍ଥା, ଲୁସେନ୍ ରାୟ ପ୍ରମୁଖ ଆନୁଷ୍ଠାନିକ ଭାବେ ଯୋଗ ଦେଇ ଦାଣ୍ଡିଆ ନୃତ୍ୟର ଉଦ୍ଘାଟନ କରିଥିଲେ । ଏହି ଉତ୍ସବକୁ ବିଶେଷ ଭାବେ ଗୁଜୁରାଟି ସମ୍ପ୍ରଦାୟର ଲୋକମାନେ ପାଳନ କରିଥାଆନ୍ତି । ଏହାକୁ ଅନୁସରଣ କରି ବିଭିନ୍ନ ସଂପ୍ରଦାୟର ଲୋକମାନେ ଏଥିରେ ସାମିଲ୍ ହୋଇ ଦାଣ୍ଡିଆ ଉତ୍ସବକୁ ଭରପୁର ଉପଭୋଗ କରିଥିଲେ । ଚଳିତ ବର୍ଷ ଏଥିରେ ବହୁ ଯୁବପିଢ଼ୀମାନେ ସାମିଲ୍ ହୋଇଥିବା ବେଳେ ଏହା ଧିରେ ଧିରେ ସର୍ବଧର୍ମୀୟ ପାରଂପରିକ ଉତ୍ସବରେ ପରିଣତ ହେବାକୁ ଯାଉଛିି ବୋଲି ଉପସ୍ଥିତ ବ୍ୟକ୍ତି ମାନେ କହିଥିଲେ ।
ଏଥିରେ ବହୁ ସଂଖ୍ୟକ ଗୁଜୁରାଟି ସଂପ୍ରଦାୟର ମହିଳା ଓ ପୁରୁଷମାନେ ସଂନ୍ଧ୍ୟାରେ ଏକତ୍ରୀତ ହୋଇ ଟାଉନହଲ୍ ପରିସରରେ ଦାଣ୍ଡିଆ ନୃତ୍ୟର ପରିବେଷଣ କରିଥିଲେ । ଏହି କାର୍ଯ୍ୟକ୍ରମକୁ ସଂଯୋଗ କୁମାର ସୁନ୍ଦରାୟ ଓ ଅନ୍ୟମାନେ ପରିଚାଳନା କରିଥିଲେ ।
