ପୁରୀ ,ପୁରୀ ବଳଗଣ୍ଡି ଉଚ୍ଚ ବିଦ୍ୟାଳୟରେ ଆଜି ମୋ ସ୍କୁଲ ଅଭିଯାନର ନୂତନ ସଭ୍ୟ ଚୟନ କରାଯାଇଥିଲା। ପ୍ରାରମ୍ଭରେ ମହାପ୍ରଭୁ ଶ୍ରୀଜଗନ୍ନାଥଙ୍କ ତୈଳଚିତ୍ରରେ ମାଲ୍ୟାର୍ପଣ କରାଯିବା ପରେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ମିନତୀ ବେହେରା ମୋ
ସ୍କୁଲ ଅଭିଯାନର ଲକ୍ଷ୍ୟ ଏବଂ ଉଦେଶ୍ୟ ବିଷୟରେ ଆଲୋକପାତ କରିଥିଲେ । ଏହି ମୋ ସ୍କୁଲ କାର୍ଯ୍ୟକ୍ରମରେ ବିଦ୍ୟାଳୟର ଛାତ୍ରଛାତ୍ରୀମାନେ ଯୋଡ଼ି ହୋଇ ଏକତ୍ର ଭାବରେ ବିଦ୍ୟାଳୟର ଉନ୍ନତି ନିମନ୍ତେ କାର୍ଯ୍ୟ କରିବା ପାଇଁ ଶ୍ରୀମତୀ ବେହେରା ନିଜ ବକ୍ତବ୍ୟ ମାଧ୍ୟମରେ ପ୍ରକାଶ କରିଥିଲେ । ମୋ ସ୍କୁଲ ଅଭିଯାନର ନୂତନ ସଭାପତି ଭାବରେ ଶ୍ରୀ ରିତେଶ ମହାନ୍ତିଙ୍କୁ ନିଯୁକ୍ତ କରାଯାଇଥିବା ବେଳେ ଶ୍ରୀ ଗଣେଷ
ଦାସଙ୍କୁ ଉପସଭାପତି ଭାବରେ ନିଯୁକ୍ତ କରାଯାଇଥିଲା । ଏହାର ସମ୍ପାଦିକା ଭାବରେ ଶ୍ରୀମତୀ ମୋନାଲିସା ନାୟକଙ୍କୁ ନିଯୁକ୍ତ କରାଯାଇଥିବା ବେଳେ ସୁଶ୍ରୀ ପୂଜା ବେହେରାଙ୍କୁ ସହ-ସମ୍ପାଦିକା ଏବଂ ଶ୍ରୀ ମନୋରଞ୍ଜନ ତରାଇଙ୍କୁ କୋଷାଧ୍ୟକ୍ଷ ଭାବରେ ନିଯୁକ୍ତ କରାଯାଇଥିଲା। ସଭ୍ୟ ଭାବରେ ଶ୍ରୀ ଆଦିତ୍ୟ ନାୟକ, ଶ୍ରୀ ରାକେଶ ତ୍ରିପାଠୀ, ଶ୍ରୀ ଅନିଲ କୁମାର ଜେନା, ଶ୍ରୀ ବିଭୁଦତ ରାୟ ଏବଂ ସଭ୍ୟ ଭାବରେ କୁମାରୀ ସୁଧାସୁପ୍ରଭା ମିଶ୍ରଙ୍କୁ ନିଯୁକ୍ତ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ଶ୍ରୀମତୀ ମିନାକ୍ଷୀ ମିଶ୍ର, ଶ୍ରୀ ଆଲମ୍ ମହମ୍ମଦ, ଶ୍ରୀମତୀ ରଞ୍ଜିତା ପଟ୍ଟନାୟକ, ଶ୍ରୀମତୀ ଅନ୍ନଦା ମହାନ୍ତି, ଶ୍ରୀମତୀ ସ୍ମୃତିଲତା ମିଶ୍ର, ଶ୍ରୀ ଶିବପ୍ରସାଦ ମିଶ୍ର ବିଦ୍ୟାଳୟର ଅନ୍ୟାନ୍ୟ ଶିକ୍ଷକ ଶିକ୍ଷୟିତ୍ରୀ ଏବଂ
ଛାତ୍ରଛାତ୍ରୀମାନେ ସହଯୋଗ କରିଥିଲେ । ପରିଶେଷରେ ଶ୍ରୀମତୀ ମିନାକ୍ଷୀ ମିଶ୍ର ଧନ୍ୟବାଦ ଅର୍ପଣ କରିଥିଲେ ।
