ଗଞ୍ଜାମ – ବ୍ରହ୍ମପୁର ସଦର ଥାନା ଅଂଚଳରୁ ଦୁଇ ଜଣ ନାବାଳିକାଙ୍କୁ କିଛି ଦିନ ପୂର୍ବେ ଅପହରଣ କରାଯାଇଥିଲା । ଏ ସଂକ୍ରାନ୍ତରେ ଦୁଇ ନାବାଳିକାଙ୍କ ପରିବାର ପକ୍ଷରୁ ସଦର ଥାନାରେ ଲିଖିତ ଅଭିଯୋଗ ଦାଏର୍ ହୋଇଥିଲା । ଅଭିଯୋଗକୁ ଭିତି କରି ଥାନାରେ ଏ ସଂକ୍ରାନ୍ତରେ ପୃଥକ୍ ପୃଥକ୍ ମାମଲା ରୁଜ୍ଜୁ ହୋଇଥିବା ବେଳେ ପୋଲିସ ନାବାଳିକାକୁ ସୁରତରୁ ଉଦ୍ଧାର କରିଥିଲା । ଘଟଣାରେ ଗିରଫ ଦୁଇ ଅଭିଯୁକ୍ତଙ୍କୁ ଆଜି କୋର୍ଟଚାଲାଣ କରାଯାଇଛି ।
ସମ୍ପୃକ୍ତ ଦୁଇ ନାବାଳିକାଙ୍କୁ ବଉଳଝୋଳି ଗ୍ରାମର ମୁକେଶ ବିଷୋୟୀ ଓ କୁକୁଡ଼ାଖଣ୍ଡି ଅଂଚଳର ବିକ୍ରମ ବିଷୋୟୀ ଅପହରଣ କରି ସୁରତ ନେଇଯାଇଥିଲେ । ପୋଲିସ ମାମଲାର ତଦନ୍ତ ଆରମ୍ଭ କରିବା ସହ ଉଭୟ ନାବାଳିକା ଗୁଜୁରାଟର ସୁରନ୍ତ ଅଂଚଳରେ ଥିବା ମୋବାଇଲ୍ ଟ୍ରାକ୍ ରୁ ଜାଣିବାକୁ ପାଇଥିଲା । ସଦର ଥାନା ପୋଲିସର ଏକ ଟିମ୍ ସୁରତ ଯାଇ ଉଭୟ ନାବାଳିକାଙ୍କୁ ଉଦ୍ଧାର କରିବା ସହ ଅପହରଣକାରୀ ଦୁଇ ଯୁବକଙ୍କୁ ଧରି ଗତକାଲି ବ୍ରହ୍ମପୁର ଆସିବା ପରେ ବଡ ଡାକ୍ତରଖାନାରେ ସମସ୍ତଙ୍କର ଡାକ୍ତରିମାଇନା କରାଯାଇଥିଲା । ଆଜି ଗିରଫ ଦୁଇ ଅଭିଯୁକ୍ତଙ୍କୁ କୋର୍ଟଚାଲାଣ କରାଯାଇଥିବା ନେଇ ଥାନା ଆଇଆଇସି ସନ୍ତୋଷିନୀ ଓରାମ ସୂଚନା ଦେଇଛନ୍ତି ।
