ଜୁଆ ଆଡ୍ଡା ଉପରେ ଚଢ଼ଉ :  ୧୨ ଜୁଆଡ଼ି ଗିରଫ : ୧୨ ଲକ୍ଷରୁ ଉର୍ଦ୍ଧ୍ୱ ନଗଦ ଟଙ୍କା, ଦୁଇ କାର୍ ଓ ୪ ବାଇକ୍ ଜବତ  

ରାଉରକେଲା– ହୋଟେଲରେ ଚାଲିଥିବା ଏକ ଜୁଆ ଆଡ୍ଡା ଉପରେ ରାଉରକେଲା ପ୍ଲାଂଟ ସାଇଡ୍ ପୋଲିସ ଗତକାଲି ରାତିରେ ଚଢ଼ଉ କରିଛି । ଚଢ଼ଉ ବେଳେ ଘଟଣାସ୍ଥଳରୁ ୧୨ ଜଣ ଜୁଆଡ଼ିଙ୍କୁ ଗିରଫ କରିଛି ପୋଲିସ । ସେମାନଙ୍କ ନିକଟରୁ ୧୨  ଲକ୍ଷ ୨୭ ହଜାର ୫ ଶହ ଟଙ୍କା, ୧୫ଟି ମୋବାଇଲ୍ ଫୋନ୍ ଜବତ ହୋଇଛି । ଏଥିସହ ଦୁଇଟି କାର୍ ଓ ୪ଟି ବାଇକ୍ କୁ ମଧ୍ୟ ପୋଲିସ ଜବତ କରିଛି । ପୋଲିସ ପକ୍ଷରୁ ଏ ସଂକ୍ରାନ୍ତରେ ଏକ ମାମଲା ରୁଜ୍ଜୁ କରାଯିବା ସହ ଅଭିଯୁକ୍ତ ମାନଙ୍କୁ ଆଜି କୋର୍ଟଚାଲାଣ କରାଯାଇଛି ।