ପୁରୀ ,ପୁରୀରେ ପୁଣି ବାରହା ଆତଙ୍କ |ଲୋକନାଥ ରୋଡ଼ ପାର୍ବତୀ ପୁର ଅଞ୍ଚଳରେ ଦୁଇଟି ବାରହା ରାତିରେ ବୁଲୁଥିବାର ଦୃଶ୍ୟ ସିସିଟିଭି କଏଦ ହୋଇଛି ଯାହାକୁ ନେଇ ସ୍ଥାନୀୟ ଅଞ୍ଚଳରେ ଆତଙ୍କ ଖେଳିଯାଇଛି |ତୁରନ୍ତ ଏହି ବାରହା କୁ କାବୁ କରିବା ପାଇଁ ସ୍ଥାନୀୟ ଲୋକେ ଦାବୀ କରିଛନ୍ତି |ହେଲେ ଗତ କିଛିଦିନ ପୂର୍ବରୁ ପୁରୀ ସ୍ୱର୍ଗଦ୍ୱାର ଅଞ୍ଚଳରେ ବାରହା ଆକ୍ରମଣରେ ୬ ଜଣ ଆହତ ହୋଇଥିବା ବେଳେ ଦୁଇଜଣ ଗୁରୁତର ହୋଇ ସଦର ମୁଖ୍ୟ ଚିକିତ୍ସାଳୟ ରେ ଚିକିତ୍ସା ହେଉଥିଲେ |ପୋଲିସ,ଅଗ୍ନିଶମ ବିଭାଗ, ଜଙ୍ଗଲ ଓ ପରିବେଶ ବିଭାଗ ମିଳିତ ଭାବେ ଲୋକନାଥ ରୋଡ଼ର ଛପନ ଛକ ଏକ ନାଳ ଭିତରୁ ବାରହା ଟିକୁ ଉଦ୍ଧାର କରିଥିଲେ |ପରେ ତାକୁ ନେଇ ସାତପଡ଼ା ଜଙ୍ଗଲରେ ଛଡ଼ାଯାଇଥିଲା |ତେବେ ଗୋଟିଏ ନୁହେଁ ପ୍ରାୟ ୫ -୬ ଗୋଟି ବାରହା ଲୋକନାଥ ରୋଡ଼ ପାଇକ ସାହି, ପାର୍ବତୀପୁର ଅଞ୍ଚଳରେ ବୁଲୁଥିବାର ଲୋକ ସେହି ସମୟରେ ଅଭିଯୋଗ କରିଥିଲେ |ସ୍ଥାନୀୟ ଲୋକଙ୍କ ଅଭିଯୋଗକୁ ଜଙ୍ଗଲ ବିଭାଗ ହାଲୁକା ଭାବରେ ଗ୍ରହଣ କରିବା ସହ ଅଭିଯୋଗକୁ ଆଣଦେଖା କରିଦେଇଥିଲା |ଯାହାକି ଏପଟେ ବାରହା ପୁଣି ସେହି ଅଞ୍ଚଳରେ ଦେଖା ଦେଇଛି |ଗତକାଲି ରାତିରେ ବାରହା ବୁଲୁଥିବାର ଭିଡ଼ିଓ ସିସିଟିଭିରେ କଏଦ ହୋଇଛି |ତେଣୁ ତୁରନ୍ତ ପରିବେଶ ବିଭାଗ ବାରହାକୁ କାବୁ କରନ୍ତୁ ବୋଲି ଦାବୀ ହୋଇଛି |ନଚେତ ଆଗକୁ ଶ୍ରୀମନ୍ଦିର ଖୋଲିବ ଏବଂ ପୁରୀକୁ ପର୍ଯ୍ୟଟକ ଓ ତୀର୍ଥଯାତ୍ରୀ ଆସିବେ ସେମାନଙ୍କ ସୁରକ୍ଷାକୁ ଦୃଷ୍ଟିରେ ରଖି ତୁରନ୍ତ ପଦକ୍ଷେପ ନେବାକୁ ଦାବୀ ହୋଇଛି |
