ଧାରଣାରେ ବସିଥିବା ଦୁଇ ଜଣ ଏଏନଏମଙ୍କ ଆତ୍ମାହୁତି ଉଦ୍ୟମ
ଭୁବନେଶ୍ୱର– ଧାରଣାରେ ବସିଥିବା ଦୁଇ ଜଣ ଏଏନଏମ ମଙ୍ଗଳବାର ଦିନ ଆତ୍ମାହୁତି ଉଦ୍ୟମ କରିଛନ୍ତି । । ଭୁବନେଶ୍ୱର ମାଷ୍ଟରକ୍ୟାଂଟିନ ନିକଟ ଧାରଣା ସ୍ଥଳରେ କିରାସିନି ଢାଳି ନିଆଁ ଲଗାଇବାକୁ ଉଦ୍ୟମ କରୁଥିବା ଏମାନଙ୍କୁ ଉଦ୍ଧାର କରାଯାଇଛି ।
ଏହି ଖବର ପାଇ ଘଟଣା ସ୍ଥଳରେ ପୋଲିସ ପହଂଚିିଥିବା ସୂଚନା ମିଳିଛି । ମହିଳା ସ୍ୱାସ୍ଥ୍ୟକର୍ମୀ ମାନେ ସେମାନଙ୍କର ଦାବି ପୂରଣ ନ ହେବାରୁ ଏପରି ପଦକ୍ଷେପ ନେବା ବିଷୟରେ କହିଛନ୍ତି ।
ସ୍ଥାୟୀ ନିଯୁକ୍ତି ଦାବିରେ ଆଜିକୁ ଦୀର୍ଘ ୮ ଦିନ ହେଲାଣି ଏମିତି ଅହୋରାତ୍ର ଆନ୍ଦୋଳନ କରୁଛନ୍ତି । କରୋନା ସଂକ୍ରମଣରେ ଯେତେବେଳେ ସମଗ୍ର ରାଜ୍ୟ କଲବଲ ହେଉଥିଲା, ସେହି ସମୟରେ ସରକାରଙ୍କ ଆହ୍ୱାନରେ ସେବା ପାଇଁ ଆଗେଇ ଆସିଥିଲେ । ତେଣୁ ସେମାନଙ୍କୁ ଚାକିରି ଦିଆ ଯାଉ ବୋଲି ସେମାନେ ଦାବି କରିଛନ୍ତି ।
