ଗଞ୍ଜାମ– ସମନ୍ୱିତ ଶିଶୁ ବିକାଶ ବିଭାଗ ପକ୍ଷରୁ ଖଲ୍ଲିକୋଟ ବ୍ଲକ୍ ଅନ୍ତର୍ଗତ ସାବୁଳିଆ ପଞ୍ଚାୟତର କ୍ରମାନ୍ଵୟରେ ୬ ଗୋଟି ଅଙ୍ଗନବାଡି କେନ୍ଦ୍ରରେ ପ୍ରାକ୍ ବିଦ୍ୟାଳୟ ଶିଶୁ ଛାତ୍ର, ଛାତ୍ରୀ ମାନଙ୍କୁ ୟୁନିଫର୍ମ, ଶୀତବସ୍ତ୍ର, ସୁଇଟର ଓ ଜୋତା ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଅତିରିକ୍ତ ଜିଲ୍ଲା ସମାଜ ମଙ୍ଗଳ ଅଧିକାରୀ ସାଧନ ଚରଣ ଦାସ ଯୋଗଦେଇ ଉପରୋକ୍ତ ସାମଗ୍ରୀ ଶିଶୁ ମାନଙ୍କୁ ବଣ୍ଟନ କରିଥିଲେ । ସାବୁଳିଆ 1 ନମ୍ବର ଅଙ୍ଗନବାଡି କର୍ମୀ ସଂଧ୍ୟାରାଣୀ ପଣ୍ଡା ଓ ସହାୟିକା ଲକ୍ଷ୍ମୀ ଚାନ୍ଦ ଉପସ୍ଥିତ ଥିବାବେଳେ ସାବୁଳିଆ 3 ନମ୍ବର ଅଙ୍ଗନବାଡି କର୍ମୀ ତଥା କରୋନା ଯୋଦ୍ଧା
କଳ୍ପନା ରାଣୀ ପଣ୍ଡା ଓ ହେଲ୍ପର ଶାନ୍ତିଲତା ଦଳାଇ ସହିତ ଅନ୍ୟ କେନ୍ଦ୍ରର କର୍ମୀ ଓ ସହାୟିକା ମାନଙ୍କ ସହଯୋଗରେ ପରିଚାଳନା କରାଯାଇ 6 ଗୋଟି କେନ୍ଦ୍ରର ପ୍ରାୟ 140 ଜଣ ଶିଶୁଙ୍କୁ ଜୋତା ଓ ସୁଇଟର ବଣ୍ଟନ କରାଯାଇଛି ।
ସାବୁଳିଆ ସେକ୍ଟର ସୁପରଭାଇଜର ଶୁଶ୍ରୀ ମଞ୍ଜୁ ଲତା ତ୍ରିପାଠୀ, ଶିଶୁ ଓ ମହିଳା ମଣ୍ଡଳ କର୍ମୀ, ଅବିଭାବକ ଓ ଅବିଭାବିକା ମାନେ ଉପସ୍ଥିତ ରହି ବଂଟନ କାର୍ଯ୍ୟରେ ସହଯୋଗ କରିଥିଲେ ।
