କାର୍ ସହ ୭ କେଜି ସୁନା ଓ ୪୯ କେଜି ରୂପା ଜବତ, ୩ ଅଟକ

ଗଞ୍ଜାମ– ଗତକାଲି ରାତିରେ ଆନ୍ଧ୍ରରୁ ସୁନା ରୂପା ଚୋରାଚାଲାଣ ହେଉଥିବା ବ୍ରହ୍ମପୁର ଗୋଷାଣି ନୂଆଗାଁ ଥାନା ପୋଲିସ ଖବର ପାଇ ହଳଦିଆପଦର ଓଭର ବ୍ରିଜ୍ ନିକଟରେ ଯାନବାହନ ବ୍ଲକିଂ କରି ତନ୍ନ କରି ଯାଂଚ କରିଥିଲେ । ଗୋଟିଏ କାର୍ ରୁ ପୋଲିସ ୭ କେଜି ସୁନା ଏବଂ ୪୯ କେଜି ରୂପା ଜବତ କରିଥିଲେ । ପୋଲିସ ଗାଡିରେ ଥିବା ତିନି ଜଣଙ୍କୁ ଅଟକ ରଖି ଘଟଣାର ତଦନ୍ତ ଚଳାଇଛି । ପୋଲିସ ପକ୍ଷରୁ ସେମାନଙ୍କୁ ପଚରା ଉଚୁରା ଜାରୀ ରହିଛି ।