ବେଙ୍ଗାଲୁର ବୈଷୟିକ ଶିଖର ସମ୍ମିଳନୀ ଆସନ୍ତା ୧୯ ରୁ ୨୧ ତାରିଖ ମଧ୍ୟରେ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି । କର୍ଣ୍ଣାଟକ ସରକାର, କର୍ଣ୍ଣାଟକ ଉଦ୍ଭାବନ ଓ ବୈଷୟିକ ସମାଜ (କେଆଇଟିଏସ), କର୍ଣ୍ଣାଟକ ସରକାରଙ୍କ ସୂଚନା ଓ ପ୍ରଯୁକ୍ତି ବିଦ୍ୟା ସମ୍ପର୍କିତ ଭିଜନ ଗ୍ରୁପ, ଜୈବ ପ୍ରଯୁକ୍ତି ବିଦ୍ୟା ଓ ଷ୍ଟାର୍ଟଅପ, ସଫ୍ଟୱେର ପ୍ରଯୁକ୍ତିବିଦ୍ୟା ପାର୍କ ଅଫ ଇଣ୍ଡିଆ(ଏସଟିପିଆଇ) ଏବଂ ଏମଏମ ଆକ୍ଟିଭ ସାଇନ୍ସ ଟେକ୍ନୋଲୋଜି କମ୍ୟୁନିକେସନ ଏହାକୁ ମିଳିତ ଭାବେ ଆୟୋଜନ କରୁଛନ୍ତି ।
ବେଙ୍ଗାଲୁର ବୈଷୟିକ ଶିଖର ସମ୍ମି ଳନୀରେ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ସ୍କଟ ମୋରିସନ, ସ୍ୱିସ ମହାସଂଘର ଉପାଧ୍ୟକ୍ଷ ଶ୍ରୀଯୁକ୍ତ ଗୟ ପର୍ମେଲିନ ଓ ଅନ୍ୟାନ୍ୟ ଅନ୍ତର୍ଜାତୀୟ ଖ୍ୟାତିସମ୍ପନ୍ନ ବ୍ୟକ୍ତି ଯୋଗଦେବାର କାର୍ଯ୍ୟକ୍ରମ ରହିଛି । ସେମାନଙ୍କ ବ୍ୟତୀତ ଶିଳ୍ପଗୁରୁ, ଚିନ୍ତକ, ଟେକ୍ନୋକ୍ରାଫ୍ଟ, ଗବେଷକ, ଉଦ୍ଭାବକ, ନିବେଶକ, ନୀତିନିର୍ଦ୍ଧାରକ ଓ ଶିକ୍ଷାବିତ ଭାରତ ଓ ଭାରତ ବାହାରୁ ଯୋଗଦେବେ । ଚଳିତ ବର୍ଷ ନେକ୍ସଟ ଇଜ ନାଓ ଶିଖର ସମ୍ମି ଳନୀର ବିଷୟବସ୍ତୁ ରଖାଯାଇଛି । ଏହି ସମ୍ମି ଳନୀରେ କରୋନା ମହାମାରୀ ପରବର୍ତ୍ତୀ ବିଶ୍ୱରେ ବିଭିନ୍ନ ଆହ୍ୱାନ ତଥା ବୈଷୟିକ ଜ୍ଞାନ, ପ୍ରଯୁକ୍ତିବିଦ୍ୟା, ଇଲେକ୍ଟ୍ରୋନିକ୍ସ ଓ ଜୈବ ପ୍ରଯୁକ୍ତିବିଦ୍ୟା ସମ୍ପର୍କରେ ବିଶେଷ ଆଲୋଚନା ହେବ ।
