ମଙ୍ଗଳବାର ବିଳମ୍ବିତ ରାତି ଟୁଇଟ କରି ମୋଦୀ କହିଛନ୍ତି, ସେ ନବନିର୍ବାଚିତ ଉପରାଷ୍ଟ୍ରପତି କମଳା ହେରିସଙ୍କୁ ମଧ୍ୟ ଅଭିନନ୍ଦନ ଜଣାଇଛନ୍ତି । ବାଇଡେନ ମୋଦୀଙ୍କୁ ଧନ୍ୟବାଦ ଜଣାଇ ଉଭୟ ଦେଶର ରଣନୀତିକୁ ମଜବୁତ କରିବାକୁ ଆଗ୍ରହ ପ୍ରକାଶ କରିଛନ୍ତି ।
ନରେନ୍ଦ୍ର ମୋଦୀ ଟୁଇଟ କରି କହିଛନ୍ତି, ଆମେରିକାର ନବନିର୍ବାଚିତ ରାଷ୍ଟ୍ରପତି ଜୋ ବାଇଡେନଙ୍କୁ ଫୋନ କରି ଶୁଭେଚ୍ଛା ଜଣାଇଛନ୍ତି । ଆମେ ଭାରତ-ଆମେରିକା ମଧ୍ୟରେ ରଣନୀତି ନେଇ ନିଜର ପ୍ରତିବଦ୍ଧତାର ପୁନାରବୃତ୍ତି କରିଛୁ । ଏହା ବ୍ୟାତୀତ କୋଭିଡ-୧୯ ମହାମାରୀ, ଜଳବାୟୁ ପରିବର୍ତ୍ତନ ଭଳି ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ମଧ୍ୟ ଆଲୋଚନା କରିଛୁ ।
