ବାରିପଦା– ପୁଣି ନାବାଳିକା ଦୁଷ୍କର୍ମ । ୪ବର୍ଷ ର ନାବାଳିକା କୁ ବୁଲାଇ ନେବା ବାହାନାରେ ସହର ନିକଟ ଏକ ଜଙ୍ଗଲରେ ଦୁଷ୍କର୍ମ କରିଲା ଅଭିଯୁକ୍ତ । ଏପରି ଏକ ଲୋମହର୍ଷଣକାରି ଘଟଣା ଦେଖିବାକୁ ମିଳିଛି ବାରିପଦା ଟାଉନଥାନା ଅଂଚଳରେ । ସୂଚନା ମୁତାବକ ବାରିପଦା ସହର ୱାର୍ଡ ନମ୍ବର ୧୧, ସୁନାମୁହିଁ ଅଂଚଳର ଲାଡୁଲୁ ସିଂଙ୍କ ପୁଅ ଶିବ ସିଂ(୨୬) ଗତ କାଲି ସନ୍ଧ୍ୟା ୭ଟାରୁ ୭.୩୦ ଟା ସମୟ ମଧ୍ୟରେ ଷ୍ଟେସନ ବଜାର ଅଂଚଳର ତାର ପରିଚିତଙ୍କ ପରିବାରର ଏକ ୪ବର୍ଷର ଝିଅକୁ ବୁଲାଇ ନେବାକୁ ବାହାନା କହି ଘରୁ ନେଇ ଯାଇଥିଲା । ତେବେ ରାତିରେ ଝିଅଟିକୁ ଘରେ ଛାଡିବାପରେ ସମସ୍ତ ବିଷୟରେ ନାବାଳିକା ପରିବାର ଲୋକ ଜାଣିବା ପରେ ରାତିରେ ବାରିପଦା ଟାଉନ ଥାନାରେ ଅଭିଯୋଗ କରିଥିଲେ । ଅଭିଯୋଗ ହେବା ସଙ୍ଗେ ସଙ୍ଗେ ଟାଉନ ଥାନା ପୋଲିସ ତୁରନ୍ତ ଅଭିଯୁକ୍ତ ଶିବ ସିଂକୁ ଗିରଫ କରିବାରେ ସକ୍ଷମ ହୋଇଥିଲା । ତେବେ ରାତିରେ ନାବାଳିକା ଅବସ୍ଥା ଗୁରୁତର ଥିବାରୁ ତାଙ୍କୁ ବାରିପଦା ସ୍ଥିତ ପଣ୍ଡିତ ରଘୁନାଥ ମୁର୍ମୁ ମେଡ଼ିକାଲ କଲେଜ ଓ ହସପିଟାଲରେ ଚିକିତ୍ସା ନିମନ୍ତେ ଭର୍ତ୍ତି କରାଯାଇଛି । ଏନେଇ ବାରିପଦା ଟାଉନ ପୋଲିସ ଅଧିକ ତଦନ୍ତ ଜାରି ରଖିଛନ୍ତି ।
