ସେ ଟ୍ୱିଟ କରି କହିଛନ୍ତି ଯେ ମଧ୍ୟ ପ୍ରଦେଶରେ ବିଜେପିକୁ ମଜବୁତ କରିବା ପାଇଁ ତାଙ୍କର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ ଥିଲା । ମଧ୍ୟ ପ୍ରଦେଶର ବିକାଶରେ ତାଙ୍କର ଯୋଗଦାନ ପାଇଁ ସେ ସବୁବେଳେ ମନେ ରହିବେ । ତାଙ୍କର ଅମର ଆତ୍ମାର ସଦଗତି କାମନା କରିବା ସହ ତାଙ୍କର ପରିବାର ଓ ଶୁଭଚିନ୍ତକ ମାନଙ୍କ ପ୍ରତି ସମବେଦନା ପ୍ରକଟ କରୁଛି ।
ଉଲ୍ଲେଖନୀୟ ଯେ ବରିଷ୍ଠ ବିଜେପି ସାଂସଦ ତଥା ପୂର୍ବତନ ରାଜ୍ୟସଭା ସାଂସଦ କୈଳାସ ସାରଙ୍ଗଙ୍କ ମୁମ୍ବାଇର ଏକ ଡାକ୍ତରଖାନାରେ ଶନିବାର ମୃତ୍ୟୁ ଘଟିଛି । ସେ ଦୀର୍ଘ ସମୟ ଧରି ଅସୁସ୍ଥ ଥିଲେ । ଗତ କିଛି ଦିନ ତଳେ ହଠାତ୍ ଅସୁସ୍ଥତା ପରେ ତାଙ୍କୁ ଏୟାର ଆମ୍ବୁଲାନ୍ସ ଯୋଗେ ମୁମ୍ବାଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା, ସେଠାରେ ଚିକିତ୍ସା ସମୟରେ ଶନିବାର ଅପରାହ୍ନରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ସୋସିଆଲ ମିଡିଆ ଜରିଆରେ ବିଜେପି ରାଜ୍ୟ ସାଧାରଣ ସମ୍ପାଦକ ଭଗବାନ୍ ସାବନାନି ଏହି ସୂଚନା ଦେଇଛନ୍ତି ।
