ଗଞ୍ଜାମ ଜିଲ୍ଲାରେ ୩୩୯ ପ୍ରଧାନଶିକ୍ଷକଙ୍କୁ ପଦୋନ୍ନତି 

ଗଞ୍ଜାମ– ଗଞ୍ଜାମ ଜିଲ୍ଲାର ବିଭିନ୍ନ ବର୍ଗର ମୋଟ୍ ୩୩୯ ଜଣ ପ୍ରଧାନଶିକ୍ଷକଙ୍କୁ ପଦୋନ୍ନତି ମିଳିଛି । ଜିଲ୍ଲା ଶିକ୍ଷା ଅଧିକାରୀ ଅମୂଲ୍ୟ ପ୍ରଧାନଙ୍କ ସୂଚନା ମୁତାବକ, ୯୬ ଜଣ ଲେବଲ୍ ୪ ଏଲିମେଂଟାରୀ ପ୍ରଧାନଶିକ୍ଷକଙ୍କୁ ପ୍ରାଥମିକ ବିଦ୍ୟାଳୟର ଲେବଲ୍ – ୩ ବରିଷ୍ଠ ପ୍ରଧାନଶିକ୍ଷକ ଭାବେ ପଦୋନ୍ନତି ଦିଆଯାଇଛି । ସେହିପରି ୨୪୩ ଲେବଲ୍ – ୪ ପ୍ରଧାନଶିକ୍ଷକଙ୍କୁ ଲେବଲ୍ – ୩ ପ୍ରଧାନଶିକ୍ଷକ ଭାବେ ଉଚ୍ଚ ପ୍ରାଥମିକ ବିଦ୍ୟାଳୟ ସ୍ତରରେ ପଦୋନ୍ନତି ମିଳିଛି । ବିଭିନ୍ନ ବ୍ଲକର ଗୋଷ୍ଠୀ ଶିକ୍ଷା ଅଧିକାରୀଙ୍କ ସହ ଆଲୋଚନା ପରେ ଏହି ପଦକ୍ଷେପ ନିଆଯାଇଥିବା ସୂଚନା ଦେଇଛନ୍ତି ଜିଲ୍ଲା ଶିକ୍ଷା ଅଧିକାରୀ ଶ୍ରୀ ପ୍ରଧାନ ।