କୈଳାଶ ଚନ୍ଦ୍ର ପଣ୍ଡା,ପୁରୀ ,ଆଜି ମଧ୍ୟାହ୍ନରେ ମୋଚିସାହି ଛକ ନିକଟରେ ସିମେଣ୍ଟ ମିକ୍ସଚର ଗାଡି ଦୁର୍ଘଟଣାରେ ଘଟଣା ସ୍ଥଳରେ ଜଣେ ସାଇକେଲ ଆରୋହୀଙ୍କର ମୃତ୍ୟୁ ଘଟିଛି । ଟାଉନ ଥାନା ପୁଲିସ ସେଠାରେ ପହଞ୍ଚି ତଦନ୍ତ ଆରମ୍ଭ କରିଛି ।ମୃତକଙ୍କ ଘର ଚୂଡ଼ଙ୍ଗ ସାହି ଓ ତାଙ୍କ ନାମ ତ୍ରିନାଥ ପାଲ |ସେ ପୁରୀରେ ରହି ଧୂପକାଠି ବେପାର ସାଇକେଲରେ କରୁଥିବାବେଳେ ପଛପଟୁ ମିକ୍ସଚର ମେସିନ ଆସି ତାଙ୍କୁ ଧକ୍କା ଦେଇଥିଲା ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଛି | ଏହି ଘଟଣା କୁ ସ୍ଥାନୀୟ ଲୋକ ବିରୋଧ କରି ରାସ୍ତାଜାମ କରିଥିଲେ |ଟାଉନ ଥାନା ପୋଲିସ ଆସି ଘଟଣା ସ୍ଥଳରେ ଲୋକଙ୍କୁ ବୁଝାସୁଝା କରି ଶବକୁ ପୋଷ୍ଟମୋର୍ଟମ ପାଇଁ ପଠାଇଥିଲେ |ସୂଚନା ଯୋଗ୍ୟ ଭାରତ ସରକାରଙ୍କ ସହଯୋଗରେ ପୁରୀକୁ ଅନ୍ତରାଷ୍ଟ୍ରୀୟ ପର୍ଯ୍ୟଟନ କ୍ଷେତ୍ର ବନାଇବା “ଅବଢ଼ା” ଯୋଜନା ଅନ୍ତର୍ଗତ ମହୋଦଧି ମାର୍କେଟ କମ୍ପ୍ଲେକ୍ସ ସରକାରୀ ବ୍ୟବସ୍ଥା ଅନ୍ତର୍ଗତ ନିର୍ମାଣ ଚାଲୁଥିବା ବେଳେ ଏହି ଦୃଘଟଣା ଘଟିଛି |
