ସ୍ଵାମୀ ବିବେକାନନ୍ଦଙ୍କ ଦର୍ଶନ ଓ ଆଭିମୁଖ୍ୟ ଏବେ ମଧ୍ୟ ଦେଶର ଯୁବ ସମାଜକୁ ଅନୁପ୍ରାଣିତ କରୁଛି । ସମଗ୍ର ବିଶ୍ଵରେ ଲକ୍ଷ ଲକ୍ଷ ଲୋକଙ୍କୁ ପ୍ରେରଣା ଯୋଗାଇଥିବା ଏହି ମହାନ ବ୍ୟକ୍ତିତ୍ଵଙ୍କ ପାଇଁ ଭାରତ ବିଶେଷ ଭାବେ ଗର୍ବିତ । ସ୍ଵାମୀ ବିବେକାନନ୍ଦଙ୍କ ବାଣୀ ଆଜି ମଧ୍ୟ ଉପଯୋଗୀ । ଜନତାଙ୍କ ସେବା କରିବା ସହ ଯୁବ ସମାଜକୁ ସଶକ୍ତ କଲେ ତାହା ଦେଶକୁ ସମୃଦ୍ଧ କରିବା ସହ ବିଶ୍ଵରେ ଦେଶର ମର୍ଯ୍ୟାଦା ବୃଦ୍ଧି କରିଥାଏ ବୋଲି ପ୍ରଧାନମନ୍ତ୍ରୀ କହିଛନ୍ତି । ଦେଶର ଶକ୍ତି ଓ ସମୃଦ୍ଧି ଲୋକମାନଙ୍କଠାରେ ହିଁ ଅନ୍ତର୍ନିହିତ । ତେଣୁ ସମସ୍ତଙ୍କୁ ସଶକ୍ତ କରିପାରିଲେ ତାହା ଦେଶକୁ ଆତ୍ମନିର୍ଭର ଭାରତ କରିପାରିବ ।
