ଗଞ୍ଜାମ– ଗଞ୍ଜାମ ଜିଲ୍ଲା ପାଟପୁର ଥାନା ଏସ୍. ଗୋପାଳପୁର ଅଂଚଳରୁ ଅପହୃତା ନାବାଳିକାକୁ ଉଦ୍ଧାର କରିଛି ବ୍ରହ୍ମପୁର ଚାଇଲଡ ଲାଇନ୍ । ନାବାଳିକା ଜଣକ ଚାଇଲଡ ଲାଇନ୍ ହେଲ୍ପ ଲାଇନରେ ଅଭିଯୋଗ କରିଥିଲେ ଯେ, ତାଙ୍କୁ ଜଣେ ଦୁର୍ବୃତ ବିବାହର ପ୍ରଲୋଭନ ଦେଖାଇ ପ୍ରଥମେ ଅପହରଣ ଓ ପରେ ଶାରିରୀକ ଓ ମାନସିକ ନିର୍ଯ୍ୟାତନା ଦେଇଛି । ତେଣୁ ତାଙ୍କୁ ସେଠାରୁ ଉଦ୍ଧାର କରିବା ପାଇଁ ସେ ଅନୁରୋଧ କରିଥିଲେ । ସୂଚନା ପାଇ ବ୍ରହ୍ମପୁର ଚାଇଲ୍ଡ ଲାଇନର ସଂଯୋଜକ ସାଇ ପ୍ରସାଦ ସାମଲ, ପରାମର୍ଶ କର୍ମି ପ୍ରିୟଙ୍କା ବେହେରା, ପାଟପୁର ପୋଲିସ ଏସଆଇ ଶୁଭ୍ରଜିତ ସାମନ୍ତରାୟ । ଘଟଣାସ୍ଥଳରେ ପହଂଚି ନାବାଳିକାକୁ ଉଦ୍ଧାର କରିଥିଲେ । ପରେ ଘଟଣାର ଅଭିଯୁକ୍ତକୁ ପାଟପୁର ଥାନାରେ ଅଟକ ରଖାଯାଇଥିଲା । ପୋଲିସ ଗିରଫ କରି ଆଜି ଅଭିଯୁକ୍ତକୁ କୋର୍ଟଚାଲାଣ କରିଛି । ନାବାଳିକାଙ୍କୁ ଚାଇଲ୍ଡ ଲାଇନ୍ ଅଧିକ ପଚରା ଉଚୁରା ପରେ ବୟାନ୍ ରେକର୍ଡ଼ କରି ଆଇନ୍ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି ବୋଲି ବିଭାଗୀୟ ସୂତ୍ରରୁ ସୂଚନା ମିଳିଛି ।
