ନୂଆଦିଲ୍ଲୀ,ବିହାର ବିଧାନସଭା ନିର୍ବାଚନ ଲାଗି ପ୍ରଥମ ପର୍ଯ୍ୟାୟର ମତଦାନ ଆଜି ସକାଳ ୭ଟାରୁ ଆରମ୍ଭ ହୋଇଯାଇଥିବା ବେଳେ ରାଜନୈତିକ ଦଳମାନେ ଦ୍ୱିତୀୟ ପର୍ଯ୍ୟାୟର ପାଇଁ ପ୍ରସ୍ତୁତି ହୋଇଯାଇଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ କଂଗ୍ରେସ ନେତା ରାହୁଲ ଗାନ୍ଧୀ ବିହାରରେ ଆଜି ନିର୍ବାଚନ ପ୍ରଚାର କରୁଛନ୍ତି । ମୋଦୀ ଆଜି ଦରଭଙ୍ଗା, ମୁଜାଫରପୁର ଓ ପାଟଣାରେ ୩ଟି ଜନସଭା କରିବେ । ସେହିପରି କଂଗ୍ରେସ ନେତା ରାହୁଲ ଗାନ୍ଧୀ ପଶ୍ଚିମ ଚମ୍ପାରଣର ବାଲ୍ମୀକିନଗର ଓ ଦରଭଙ୍ଗାରେ କୁଶେୱରରେ ରାଲି କରିବେ ।
ପ୍ରଧାନମନ୍ତ୍ରୀ ମୋଦୀ ନିଜର ନିର୍ବାଚନ ପ୍ରଚାର ନେଇ ଟୁଇଟ କରି ସୂଚନା ଦେଇଛନ୍ତି । ସେ ଲେଖିଛନ୍ତି ଯେ, ପୁଣି ଥରେ ବିହାରବାସୀଙ୍କ ସହିତ ଦେଖାହେବାର ସୁଯୋଗ ମିଳିଛି । ଦରଭଙ୍ଗା, ମୁଜାଫରପୁର ଓ ରାଜଧାନୀ ପାଟଣାରେ ରାଲିରେ ଜନତାଙ୍କ ସହିତ ସିଧାସଳଖ କଥା ହେବାର ସୁଯୋଗ ମିଳିବ । ଆପଣମାନେ ସମସ୍ତେ ରାଲି ସହିତ ଜଡ଼ିତ ହୁଅନ୍ତୁ ବୋଲି ମୋଦୀ କହିଛନ୍ତି ।
