ରୂପାରେ ଆଚ୍ଛାଦିତ ହେବ ଶ୍ରୀମନ୍ଦିରର ୮ ଦ୍ୱାର :  ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେବ ସ୍ୱତନ୍ତ୍ର ବୈଠକ

ପୁରୀ– ରୂପାରେ ଆଚ୍ଛାଦିତ ହେବ ଶ୍ରୀମନ୍ଦିରର ୮ଟି ଦ୍ୱାର । ଏହି ୮ଟି ଦ୍ୱାରକୁ ରୂପାରେ ଛାଉଣି କରାଯିବ । ଏଥିରେ ଅଢ଼େଇ ଟନ୍ ରୂପା ବିନିଯୋଗ କରାଯିବ । ପୂର୍ବରୁ ତିନୋଟି ଦ୍ୱାରକୁ ରୂପା ଛାଉଣି ପାଇଁ ନିଷ୍ପତି ହୋଇଥିଲା । ତେବେ ପରବର୍ତି ସମୟରେ ଏହି ନିଷ୍ପତିରେ ପରିବର୍ତନ କରାଯାଇଛି । ଏହି ପରିପ୍ରେକ୍ଷୀରେ ଆଜି ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଅଧ୍ୟକ୍ଷତାରେ ଅପରାହ୍ନରେ ଏକ ସ୍ୱତନ୍ତ୍ର ବୈଠକ ଅନୁଷ୍ଠିତ ହେବାକୁ ଯାଉଛି । ଏହି ବୈଠକରେ ଶ୍ରୀମନ୍ଦିର ମୁଖ୍ୟ ପ୍ରଶାସକ ବିଭିନ୍ନ ନିଯୋଗ ସହିତ ଆଲୋଚନା କରିବାର କାର୍ଯ୍ୟକ୍ରମ ରହିଛି ।