ଭବାନୀପାଟଣା – କଳାହାଣ୍ଡି ଜିଲ୍ଲା ଭବାନୀପାଟଣା ସହରର ୯ଟି ସ୍ଥାନରେ ମଣ୍ଡପରେ ଦୁର୍ଗତିନାସିନୀ ମା ଦୁର୍ଗାଙ୍କ ଦଶମୀ ପୂଜା କାର୍ଯ୍ୟ ଚାଲିଥିବା ବେଳେ ଶକ୍ତିପୀଠ ମାନଙ୍କରେ ମା ଦୁର୍ଗାଙ୍କ ଦଶମୀ ପୂଜା ଚାଲିଛି । ସହରର ୯ଟି ମଣ୍ଡପ ମଧ୍ୟରେ ନକଟିଗୁଡ଼ା, ଅର୍କାବାହିଲିପଡ଼ା, ମନ୍ଦାର ବଗିଚାପଡ଼ା, ପରଦେଶୀ ପଡ଼ା, ଇରିଗେସନ କଲୋନୀ, ପୋଲିସ ବାରାକ୍, ଗାନ୍ଧି ଛକ, ସାପ୍ତାହିକ ହାଟ ଏବଂ ପୁରୁଣା ବସଷ୍ଟାଣ୍ଡ ଠାରେ ନିର୍ମିତ ମଣ୍ଡପରେ ଦୂର୍ଗତିନାସିନୀ ମା ଦୁର୍ଗାଙ୍କ ନବମୀ ପୂଜା କାର୍ଯ୍ୟ ସୀମିତ ସଂଖ୍ୟକ ପୁରୋହିତ ଓ କାର୍ଯ୍ୟକର୍ତାଙ୍କୁ ନେଇ ଚାଲିଛି । କୋଭିଡ଼୍ କଟକଣାକୁ ଅନୁପାଳନ କରି ପୂଜା କାର୍ଯ୍ୟ ଆଗେଇ ଚାଲିଛି । ଏ ସମସ୍ତ ସ୍ଥାନରେ ଶ୍ରଦ୍ଧାଳୁଙ୍କ ନିମନ୍ତେ ଦର୍ଶନ ବନ୍ଦ ରହିଛି ।
ଏଠାରେ ଉଲ୍ଲେଖଯୋଗ୍ୟ, ଭବାନୀପାଟଣା ସହରର ପ୍ରସିଦ୍ଧ ଶକ୍ତିପୀଠ ମା’ ମାଣିକେଶ୍ୱରୀଙ୍କ ନିକଟରେ ଗତକାଲି ଦଶମୀ ପୂଜା କାର୍ଯ୍ୟ ଓ ଲାଖବିନ୍ଧା ପର୍ବ ସମ୍ପନ୍ନ ହେବା ପରେ ଭବାନୀପାଟଣା ସହରରୁ ପ୍ରଶାସନିକ କଟକଣା ୧୪୪ ଧାରା ଗତକାଲି ରାତି ୧୨ ଟା ପରେ ହଟିଛି ।
