ପାରାଦ୍ୱୀପ – ପାରାଦ୍ୱୀପ ସମୁଦ୍ର ତଟରେ ‘ମାମିନା’ ନାମକ ଏକ ମାଛଧରା ଟ୍ରଲର କୌଣସି କାରଣରୁ ଆଜି ଭୋର୍ ସମୟରେ ଭାରସାମ୍ୟ ହରାଇ ବୁଡିଯିବା ଫଳରେ ଏହି ମାଛ ଧରା ଟ୍ରଲରେ ଥିବା ୯ ଜଣଙ୍କ ମଧ୍ୟରୁ ୫ ଜଣଙ୍କୁ ପଡ଼ୋଶୀ ଟ୍ରଲର ଉଦ୍ଧାର କରିଥିବା ବେଳେ ଅଦ୍ୟାବଧି ଅନ୍ୟ ୪ ନିଖୋଜ ଅଛନ୍ତି । ସଂନ୍ଧ୍ୟା ସୁଦ୍ଧା ସେମାନଙ୍କ ପତା ମିଳିନାହିଁ । ତଟରକ୍ଷୀ ବାହିନୀ ପକ୍ଷରୁ ଉଦ୍ଧାର କାର୍ଯ୍ୟ ଜାରୀ ରହିଛି । ତେବେ କିପରି ଓ କେଉଁ ପରିସ୍ଥିତିରେ ଦୁର୍ଘଟଣା ଘଟିଥିଲା ତାହା ତଦନ୍ତ ପରେ ଜଣାପଡିବ ବୋଲି ବିଭାଗୀୟ ଅଧିକାରୀଙ୍କ ସୂତ୍ରରୁ ପ୍ରକାଶ । ପାରାଦ୍ୱୀପ ସାମୁଦ୍ରିକ ଥାନା ପୋଲିସ ପକ୍ଷରୁ ଏନେଇ ଅଧିକ ତଦନ୍ତ ଜାରୀଛି ।
