ଗଞ୍ଜାମ– ଗଞ୍ଜାମ ଜିଲ୍ଲା ପାତ୍ରପୁର ବ୍ଲକର ଆଙ୍କୁଲି ପଚାଂୟତରେ ବର୍ଷା ବିତ୍ପାତ ଯୋଗୁଁ ଟୀକାକରଣ ଭଳି ଗୁରତର ସ୍ୱାସ୍ଥ୍ୟସେବା ମଧ୍ୟ ପ୍ରଭାବିତ ହୋଇଛି । ଗତକାଲି ଗଞ୍ଜାମ ଜିଲ୍ଲାପାଳଙ୍କ ବିଜୟ ଅମୃତା କୁଲାଙ୍ଗେଙ୍କ ନିର୍ଦ୍ଦେଶ ପ୍ରକାରେ ବାଘଲଟି ପାଣି ଘେରରେ ଥିବା ବଣିଆବସା, ଏଲଗଲ, ସିରିଶି ଗଣ୍ଡ, ମାରୁଆ ଗୁମ୍ମା, ଘରବାଡ଼ ଓ ବେହେରାପୁଟ ଆଦି ଗ୍ରାମରେ ଲୋକଙ୍କୁ ପିଡ଼ିଏସ ଚାଉଳ ବଂଟନ ଆରମ୍ଭ ହୋଇଛି । ବ୍ଲକ୍ ଯୋଗାଣ ଅଧିକାରୀ ନିଜେ ଟ୍ରାକ୍ଟର ଯୋଗେ ସେଠାରେ ପହଂଚିବା ସହ ଖାଉଟି ସୁରକ୍ଷା ଯୋଜନାରେ ହିତାଧିକାରୀଙ୍କୁ କଂଟ୍ରୋଲ ସାମଗ୍ରୀ ବଂଟନ କରି ଫେରିଛନ୍ତି । ଅନ୍ୟପକ୍ଷରେ କୃଷି ଓ ରାଜସ୍ୱ ବିଭାଗ ପକ୍ଷରୁ ପୃଥକ୍ ପୃଥକ୍ ଭାବେ କ୍ଷୟକ୍ଷତି ଆକଳନର ରିପୋର୍ଟ ପ୍ରସ୍ତୁତ କରାଯାଉଥିବା ସୂଚନା ମିଳିଛି ।
