ଭଞ୍ଜନଗର – ଭଞ୍ଜନଗର ନିକଟସ୍ଥ ଗୋବରା ଠାରେ ଥିବା ବିଶ୍ୱ ଭାରତୀ ଆବାସିକ ବିଦ୍ୟାଳୟ ଠାରେ ଆଜି ଛାତ୍ର ଛାତ୍ରୀ ଙ୍କ ଉଜ୍ବଳ ଭବିଷ୍ୟତ ଗଠନ ସମ୍ପର୍କିତ ଆଲୋଚନା ଅନୁଷ୍ଠିତ ହୋଇଥିଲା l ଏଥିରେ ବିଦ୍ୟାଳୟ ର ପରିଚାଳନା କମିଟି, ଅଭିଭାବକ ଓ ଶିକ୍ଷକ ଶିକ୍ଷୟତ୍ରୀ ଙ୍କ ସମେତ ଛାତ୍ର ଛାତ୍ରୀ ଉପସ୍ଥିତ ଥିଲେ l ମୁଖ୍ୟ ଅତିଥି ସମାଜସେବୀ ଶୁଳପାଣି ଶତପଥୀ, ସାମ୍ବାଦିକ ଜୟ କୃଷ୍ଣ ପଟ୍ଟନାୟକ, ପ୍ରଦ୍ୟୁମ୍ନ ପାତ୍ର, ସଭାପତି ବନମାଳୀ ବିଶ୍ୱାଳ, ସମ୍ପାଦକ କୁଞ୍ଜ ବିହାରୀ ନାୟକ, ଉପ ସଭାପତି ପ୍ରଭୁପାଦ ଜେନା, ଶିକ୍ଷକ ବାଲ୍ମୀକି ପାଢୀ, ହୃଷିକେଶ ବିଶ୍ୱାଳ ଓ ମୁରଲୀ ମାଳା ବିଷୋୟୀ ପ୍ରମୁଖ ଉପସ୍ଥିତ ଥିଲେ l ଛାତ୍ର ଛାତ୍ରୀ ଙ୍କ ବିଭିନ୍ନ ସମସ୍ୟା ବିଷୟରେ ଆଲୋଚନା କରିବା ସହ ଏହାର ସମାଧାନ ଏବଂ କିଭଳି ପିଲାମାନଙ୍କୁ ଉନ୍ନତ ଶିକ୍ଷାଦାନ କରି ଜଣେ ଭଲ ମଣିଷ ଭାବେ ଗଢି ତୋଳିବା ବିଶ୍ୱ ଭାରତୀ ର ଲକ୍ଷ୍ୟ ବୋଲି ଅତିଥି ମାନେ କହିଥିଲେ l ଏଥିସହ କୃତି ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିଲା l ଶେଷରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା l
