ଗଞ୍ଜାମ– ବ୍ରହ୍ମପୁର ପୋଲିସ ଜିଲ୍ଲା ପକ୍ଷରୁ ୧୫ ତାରିଖ ସକାଳ ୬ଟା ଠାରୁ ୧୬ ତାରିଖ ସକାଳ ୬ ଟା ପର୍ଯ୍ୟନ୍ତ ୨୪ ଘଂଟା ମଧ୍ୟରେ କୋଭିଡ଼୍ କଟକଣା ଉଲ୍ଲଙ୍ଘନକାରୀ, ବେପରୁଆ ଗାଡି ଚାଳକ, ବେଆଇନ ମଦ କାରବାର ଏବଂ ଜୁଆ ଆଡ୍ଡା ଉପରେ ଚଢ଼ଉ କରାଯାଇଛି ।
ପୋଲିସର ସୂଚନା ଅନୁଯାୟୀ, ଟ୍ରାଫିକ୍ ନିୟମ ଉଲ୍ଲଙ୍ଘନ କରିଥିବା ବେପରୁଆ ଗାଡ଼ି ଚାଳକ ୧୪୬ ଜଣଙ୍କ ଚାଲାଣ କଟାଯାଇଛି । ସେମାନଙ୍କ ନିକଟରୁ ଜୋରିମାନା ବାବଦକୁ ୭୩ ହଜାର ଟଙ୍କା ଆଦାୟ କରାଯାଇଛି । ମାସ୍କ ବ୍ୟବହାର କରୁନଥିବା ୮ ଜଣ ବ୍ୟକ୍ତି ବିଶେଷଙ୍କ ଠାରୁ ୧ ହଜାର ୮୦୦ ଟଙ୍କା ଜୋରିମାନା ଆଦାୟ କରାଯାଇଛି । ଏହିପରି ମୋଟ୍ ଜୋରିମାନା ବାବଦକୁ ୭୪ ହଜାର ୮୦୦ ଟଙ୍କା ଆଦାୟ କରାଯାଇଛି ।
ଏହା ବ୍ୟତୀତ ୪ଟି ଜୁଆ ଆଡ୍ଡା ଉପରେ ଚଢ଼ଉ କରାଯାଇ ୪ଟି ସ୍ଥାନରେ ମଦ କାରବାର ନେଇ ଚଢ଼ଉ କରାଯାଇଛି । ଘଟଣାରେ ୨୭ ଜଣଙ୍କୁ ଗିରଫ କରାଯାଇଛି । ୧ ଲକ୍ଷ ୧ ହଜାର ୮୮୦ ଟଙ୍କା ଜବତ କରାଯାଇଛି ।
