-
ପୁରୀରୁ ଭୁବନେଶ୍ୱର ବିଜେପି ର ବିଜେପି ବିରୁଦ୍ଧରେ ଶୋଭାଯାତ୍ରା
କୈଳାଶ ଚନ୍ଦ୍ର ପଣ୍ଡା, ପୁରୀ – ଭାରତୀୟ ଜନତା ପାର୍ଟି ସଂଗଠନ ତରଫରୁ ପୁରୀ ଶ୍ରୀମନ୍ଦିର ସମ୍ମୁଖରୁ ଭୁବନେଶ୍ୱର ନବୀନ ନିବାସ ପର୍ଯ୍ୟନ୍ତ ଶୋଭାଯାତ୍ରା ବାହାରିଥିଲା |ପୁରୀ ଜିଲ୍ଲା ପ୍ରଶାସନ ତଥା ଜିଲ୍ଲାପାଳ ବଗଲା ଧର୍ମଶାଳା ୬ ଜଣଙ୍କୁ ବିକ୍ରି କରିବା ବିରୁଦ୍ଧରେ ଥିଲା ଏହି ଶୋଭାଯାତ୍ରା |ସେମାନଙ୍କ ମଧ୍ୟରୁ ଭାରତୀୟ ଜନତା ପାର୍ଟି ର ପୁରୀ ନଗର ପାଳିକା ପରିଷଦ ର ୱାର୍ଡ ନମ୍ବର -୨ ର ପୂର୍ଵ କାଉନସିଲର ଓ ବିଜେପି ସିଂହଦ୍ୱାର ମଣ୍ଡଳ ର ଅଧ୍ୟକ୍ଷ ନିଜେ ଶ୍ରୀମନ୍ଦିର ସେବକଙ୍କ ଏକ ସଂସ୍ଥାର ମୁଖ୍ୟ ହୋଇ ଏହି ଜମି କିଣିଛନ୍ତି |ବିଜେପି ଦଳ ନିଜେ ବିଜେପି ବିରୁଦ୍ଧରେ ଶୋଭାଯାତ୍ରା ଦେଖି ଲୋକ ହସୁଛନ୍ତି |ଏହା ଜାଣିବା ପରେ କିଛି ବିଜେପିର କର୍ମୀ ସାମିଲ ହୋଇ ଉତ୍ସାହର ସହ ଏହି ଶୋଭାଯାତ୍ରା ଆଗକୁ ବଢ଼ାଇଛନ୍ତି |ପୁରୀର ବିଜେପି ବିଧାୟକ ଜୟନ୍ତ କୁମାର ଷଡ଼ଙ୍ଗୀ, ବ୍ରହ୍ମଗିରି ବିଧାୟକ ଲଳିତେନ୍ଦୁ ବିଦ୍ୟାଧର ମହାପାତ୍ର ପ୍ରମୁଖ ନେତା ସାମିଲ ରହି ଏହି ଯାତ୍ରାକୁ ଆଗକୁ ବଢ଼ାଇଛନ୍ତି | ପତ୍ରକାର ମାନଙ୍କ ପ୍ରଶ୍ନ ର ଉତ୍ତର ନେତା ମାନେ ଦେଇନଥିଲେ |ବିଜେପି ନେତା ମାନଙ୍କର କହିଥିଲେ ୨୭ ଦିନ ଧରି ବଗଲା ଧର୍ମଶାଳା ସମ୍ମୁଖରେ ଆମ୍ଭର ଆନ୍ଦୋଳନ ଜାରି ରହିଥିଲା |ଜିଲ୍ଲା ପ୍ରଶାସନ ବିକ୍ରି କରିଥିବା ଜମି ର କାଗଜ ପତ୍ର କୁ ରଦ୍ଦ ନକରିବାରୁ ଏବଂ ଆନ୍ଦୋଳନରେ ବସିଥିବା ବ୍ୟକ୍ତିଙ୍କ ସହ ଆଲୋଚନା କରି ନଥିବାରୁ ତାହା ବିରୁଦ୍ଧରେ ନବୀନ ନିବାସ ପର୍ଯ୍ୟନ୍ତ ଏହି ପଦଯାତ୍ରା କରାଯାଇଛି |ଜଣେ ବିଜେପି ନେତା ଓ ଶ୍ରୀମନ୍ଦିର ସେବକ ମଧ୍ୟ ସେହି ଜମି କିଣିଥିବାରୁ ବିଜେପିର ଚିନ୍ତା ବଢ଼ି ଯାଇଛି |କିନ୍ତୁ ତାଙ୍କର ଦବଦବା କାରଣରୁ ବିଜେପି ଜିଲ୍ଲା ସଂଗଠନ ତରଫରୁ ଜମି କିଣିଥିବା ନେତାଙ୍କ ବିରୁଦ୍ଧରେ ଆଜି ପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ଦଳ ତରଫରୁ ନିଆଯାଇନାହିଁ |କାରଣ ଆଗକୁ ଥିବା ନଗର ପାଳିକା ନିର୍ବାଚନରେ ବଗଲା ଧର୍ମଶାଳା ଜମି କିଣିଥିବା ବିଜେପି ନେତାଙ୍କୁ ନଗର ପାଳିକା ର ଅଧ୍ୟକ୍ଷ ପଦ ପାଇଁ ଉମିଦବାର ଅଛନ୍ତି |ତାଙ୍କର ଦବଦବା ଥିବା କାରଣରୁ ରାଜ୍ୟର କୌଣସି ବିଜେପି ନେତା ତାଙ୍କ ବିରୁଦ୍ଧରେ ମୁହଁ ନଖୋଲିବା କାରଣରୁ କର୍ମୀ ମାନଙ୍କ ମଧ୍ୟରେ ନିରାଶ ଦେଖିବାକୁ ମିଳିଛି |
