କୈଳାଶ ଚନ୍ଦ୍ର ପଣ୍ଡା, ପୁରୀ, ରୋଟାରୀ କ୍ଲବ, ପୁରୀ ଆନୁକୂଲ୍ୟରେ ଏକ ଅକ୍ସିଜେନ୍ ସିଲିଣ୍ଡର ବ୍ୟାଙ୍କର ଲୋକାର୍ପଣ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ପ୍ରକଳ୍ପ ସଦ୍ୟ ସ୍ୱର୍ଗବାସୀ ରୋଟାରୀଆନ୍ ମହେଶ କୁମାର ପ୍ରଧାନ ତଥା ଇନର ହ୍ବଲ କ୍ଳବର ପ୍ରାକ୍ତନ ସଭାନେତ୍ରୀ ପ୍ରତିମା ମହାନ୍ତିଙ୍କ ସ୍ମୁତି ଉଦ୍ଦେଶ୍ୟରେ ସମର୍ପିତ କରାଯାଇଛି ।
ଅମ୍ଳଜାନ ଆମ ଶ୍ଵାସକ୍ରିୟାର ମୁଖ୍ୟ ଆଧାର । ଏହାର ପରିଣାମ କମିଲେ, ଜୀବନ ଧାରଣରେ ସମସ୍ୟା ସୃଷ୍ଟି ହୁଏ । କୌଣସି ରୋଗୀଠାରେ ପ୍ରଶ୍ୱାସରେ ଅମ୍ଳଜାନର ପରିମାଣ ହଠାତ୍ କମିଲେ କୃତ୍ରିମ ଉପାୟରେ ଏହା ତ୍ବରିତ ପ୍ରୟୋଗ କରିବା ଆବଶ୍ୟକ ହୋଇପଡ଼େ । ଏହି ସମସ୍ୟାକୁ ଦୃଷ୍ଟିରେ ରଖି ଏହି ଧରଣର ରୋଗୀଙ୍କୁ ଆଶୁ ସହାୟତା ଯୋଗାଇ ଦେବା ଲକ୍ଷ୍ୟରେ ଏହି ପ୍ରକଳ୍ପର ପରିକଳ୍ପନା କରାଯାଇଛି । ପ୍ରାରମ୍ଭିକ ସ୍ତରରେ
ପ୍ରାୟ ଦଶଗୋଟି ସିଲିଣ୍ଡର ରଖି ଏହି ସେବା ଆରମ୍ଭ ହେବାକୁ ଯାଉଥିଲେ ହେଁ ଆଗାମୀ ଦିନରେ ଆହୁରି
ଦଶଗୋଟି ସିଲିଣ୍ଡରର ବ୍ୟବସ୍ଥା କରି ଏହି ପ୍ରକଳ୍ପକୁ ଅଧିକ ଲୋକାଭିମୁଖୀ କରିବା ପାଇଁ ଉଦ୍ଦେଶ୍ୟ ରହିଛି ।
ଅମ୍ଳଜାନ ଜନିତ ସମସ୍ୟା ଭୋଗୁଥିବା ରୋଗୀମାନଙ୍କ ଉପଶମ ପାଇଁ ଏହି ପ୍ରକଳ୍ପର ସୁଯୋଗ ବିନା ଶୁଳ୍କରେ ନିଆ ଯାଇପାରିବ । ସାମାଜିକ କର୍ମୀ ତଥା ସେଚ୍ଛାସେବୀ ଅନୁଷ୍ଠାନ ମାନଙ୍କ ମାଧ୍ୟମରେ ମଧ୍ୟ ଏହି ସେବା ଯୋଗାଇ ଦିଆଯିବ । ଭବିଷ୍ୟତରେ ପୁରୀ ନିକଟସ୍ଥ ଗ୍ରାମାଞ୍ଚଳକୁ ଏହି ସେବାର ପ୍ରସାରଣ କରାଯିବାର ଲକ୍ଷ୍ୟ ରହିଛି ।
ସଂପ୍ରତି ରହିଥିବା ଦଶଗୋଟି ସିଲିଣ୍ଡରକୁ
ସଭାପତି ପ୍ରମୋଦ କୁମାର ଆଚାର୍ଯ୍ୟ, ସଦସ୍ୟ ବିଜୟ କୁମାର
ପତି, ବିଭୁପ୍ରସାଦ ତ୍ରିପାଠୀ, ବଦ୍ରିନାରାୟଣ ପାତ୍ର, ସୁଧୀର ଚନ୍ଦ୍ରିକା, ବିଜୟ କୁମାର ରଥ, ଅଜୟ ସାହା, କେଦାର
ଚୌଧୁରୀ, ଜୟ ଦାଶଗୁପ୍ତା, କୃଷ୍ଣଚନ୍ଦ୍ର ପାତ୍ର ଓ ପ୍ରଭୃତି ନିଜ ଦିବଂଗତ ପ୍ରିୟଜନଙ୍କ ଉଦ୍ଦେଶ୍ୟରେ ଦାନ କରିଛନ୍ତି ।
ଅନ୍ୟ ସଦସ୍ୟମାନେ ନିକଟରେ ଅଧିକ ସଂଖ୍ୟକ ସିଲିଣ୍ଡର ଦାନ କରିବା ପାଇଁ ପ୍ରତିଶୃତି ଦେଇଛନ୍ତି ।ସଭାପତି ରୋ ପ୍ରମୋଦ କୁମାର ଆଚାର୍ଯ୍ୟ ଓ ସମ୍ପାଦକ ରୋ ରୋଜା ପ୍ରିୟଦର୍ଶୀ ଙ୍କ ତତ୍ୱାବଧାନ ରେ ଏହି ଲୋକାର୍ପଣ ଉତ୍ସବ ଅନୁଷ୍ଠିତ ହୋଇଥିଲା |
