ନବକିଶୋର ପ୍ରଧାନଙ୍କ ଅକାଳ ବିୟୋଗରେ ପୁରୀରେ ଶୋକର ଛାୟା ଖେଳି ଯାଇଛି

କୈଳାଶ ଚନ୍ଦ୍ର ପଣ୍ଡା, ପୁରୀ,୧୧/୧୦/୨୦୨୦,ପୁରୀର ବିଶିଷ୍ଟ ଯୁବ ସଂଗଠକ, ସଂସ୍କୃତିପ୍ରେମୀ ଓ ମେଳାପୀ ନବକିଶୋର ପ୍ରଧାନଙ୍କ ଗତକାଲି ଅକାଳ ବିୟୋଗ ଘଟିଛି | ମୃତ୍ୟବେଳକୁ ତାଙ୍କୁ 48 ବର୍ଷ ବୟସ ହୋଇଥିବା ବେଳେ ତାଙ୍କର ମୃତ୍ୟୁ ଖବର ପାଇବାପରେ ପୁରୀରେ ଶୋକର ଛାୟା ଖେଳି ଯାଇଥିଲା । ନବକିଶୋର ପ୍ରଧାନ ଥିଲେ ଜଣେ ସଂଗଠକ, କ୍ରୀଡ଼ାବିତ, ସଂସ୍କୃତିପ୍ରେମୀ, ନାଟ୍ୟକାର ଓ ସଙ୍ଗୀତଜ୍ଞ । ଅନେକ କୃତି ଛାତ୍ର ଛାତ୍ରୀ, ଖେଳାଳି, କୋଚ, ଚଳଚିତ୍ର ଓ ଟିଭି ସିରିଏଲ ଆର୍ଟିଷ୍ଟ ମାନଙ୍କୁ ସଂମ୍ମାନିତ କରିବା ସହ ଜଣେ ଅନନ୍ୟ ପ୍ରତିଭା ଥିଲେ | ପୁରୀ ଉଇନିଙ୍ଗ ସ୍ପୋର୍ଟିଂ କ୍ଲବର ସେ ସମ୍ପାଦକ ଥିବାବେଳେ ଜାତୀୟ ଯୁବ ସମନ୍ବିତ କେନ୍ଦ୍ର ଅନୁଷ୍ଠାନର ସେ ଥିଲେ ସଂଗଠନ ସମ୍ପାଦକ । ତାଙ୍କର ପ୍ରତ୍ୟେକ୍ଷ ତତ୍ୱାବଧାନରେ ପୁରୀରେ ପ୍ରତିବର୍ଷ ଅନୁଷ୍ଠିତ ହୋଇ ଆସୁଥିଲା ଚଳଚିତ୍ର ସନମାନ ମହୋତ୍ସବ, କୃତି ଛାତ୍ର ଛାତ୍ରୀ ସଂମ୍ମାନ ମହୋତ୍ସବ, ଟ୍ୟାଲେଣ୍ଟ ସୋ, ସୋ ଟାଇମ ଓ ଗ୍ଳୋରୀ ଫେଷ୍ଟ ଭଳି ସାଂସ୍କୃତିକ କାର୍ଯ୍ୟକ୍ରମ । ତାଙ୍କର ଏହି ଅକାଳ ବିୟୋଗ ସବୁ ମହଲରେ ଏକ ଶୂନ୍ୟସ୍ଥାନ ହୋଇ ରହିବ | ଆଜି ତାଙ୍କର ଶେଷକୃତ୍ୟ ପୁରୀ ଗିରଳ ନିକଟ ସ୍ୱତନ୍ତ୍ର କୋଭିଡ ସ୍ମଶାନ ରେ ସମ୍ପର୍ଣ୍ଣ କରାଯାଇଥିବା ବେଳେ ତାଙ୍କ ଭଣଜା ବିଘ୍ନେଶ ସ୍ୱାଇଁ ମୁଖାଗ୍ନି ଦେଇଥିଲେ ।