ଭୁବନେଶ୍ୱର– ବାଲେଶ୍ୱରର ପୂର୍ବତନ ସାଂସଦ ତଥା ପୂର୍ବତନ ଭୋଗରାଇ ବିଧାୟକ କାର୍ତିକେଶ୍ୱର ପାତ୍ରଙ୍କ ବିୟୋଗରେ କେନ୍ଦ୍ର ମନ୍ତ୍ରୀ ପ୍ରତାପ ଷଡଙ୍ଗୀ ଶୋକ ପ୍ରକାଶ କରିଛନ୍ତି ।
ସେ ଟ୍ୱିଟ କରି କହିଛନ୍ତି ଯେ – ବାଲେଶ୍ୱରର ପୂର୍ବତନ ସାଂସଦ, ଭୋଗରାଇର ପୂର୍ବତନ ବିଧାୟକ ତଥା ଜଣେ ସୁଲେଖକ ଡ. କାର୍ତିକେଶ୍ୱର ପାତ୍ରଙ୍କ ଦେହାନ୍ତର ଖବର ପାଇ ମୁଁ ଅତ୍ୟନ୍ତ ଦୁଃଖିତ ଏବଂ ମର୍ମାହତ । ଡ. କାର୍ତିକେଶ୍ୱର ପାତ୍ର କେବଳ ଜଣେ ରାଜନେତା ଭାବରେ ନୁହେଁ, ଜଣେ ସାହିତ୍ୟିକ ଭାବେ ସେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିବାରେ ସକ୍ଷମ ହୋଇଥିଲେ ।
ଏଭଳି ଏକ ଘଡିସନ୍ଧି ମୁହୁର୍ତରେ ପ୍ରଭୂ ଜଗନ୍ନାଥଙ୍କ ପାଖେ ଅମର ଆତ୍ମାର ସଦଗତି କାମନା କରିବା ସହ ଶୋକସନ୍ତପ୍ତ ପରିବାରକୁ ସମବେଦନା ଜଣାଉଛି ଏବଂ ବନ୍ଧୁ , ବାନ୍ଧବ ଓ ଶୁଭେଚ୍ଛୁ ଏବଂ ସମର୍ଥକ ମାନଙ୍କୁ ଏହି ଦୁଃଖକୁ ସହନ କରିବା ନିମନ୍ତେ ଧୈର୍ଯ୍ୟ ପ୍ରଦାନ କରିବା ପାଇଁ ପ୍ରାର୍ଥନା କରୁଛି ।
