କୈଳାଶ ଚନ୍ଦ୍ର ପଣ୍ଡା, ପୁରୀ,୦୨/୧୦/୨୦୨୦,ଆଜି ପବିତ୍ର “ଗାନ୍ଧୀଜୟନ୍ତୀ” ଅବସରରେ ଏମ.କେ. ଜୁଡୋ ଗ୍ରୁପ ତରଫରୁ ସକାଳ ୭ଘ ୩୦ ମି. ସମୟରେ ସିଂହଦ୍ୱାର ସମ୍ମୁଖରେ କୋଭିଡ-୧୯ ର ସମସ୍ତ କଟକଣା ଭିତରେ ଅତ୍ୟନ୍ତ ଶାନ୍ତିଶୃଙ୍ଖଳାର ସହ “ଗାନ୍ଧୀଜୟନ୍ତୀ”ପାଳନ କରାଯାଇଛି |ଏମ.କେ. ଜୁଡୋ ଗ୍ରୁପର ଆବାହକ ମନୋଜ କୁମାର ସାହୁ ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ |ଜୁଡୋ ଗ୍ରୁପର ସମସ୍ତ ଛାତ୍ର ଛାତ୍ରୀ ମାନେ ବଳଭଦ୍ର ଲେନ ସ୍ଥିତ ପଣ୍ଡିତ ମଠରୁ ବାହାରି ସିଂହଦ୍ୱାର ନିକଟକୁ ଯାଇଥିଲେ |ସେଠାରେ ପ୍ରଦୀପ ପ୍ରଜ୍ବଳନ କରାଯିବା ସହ ବିଶ୍ୱରୁ କରୋନା ମହାମାରୀ କୁ ଦୁରେଇ ଦେବାପାଇଁ ପ୍ରଭୁ ଶ୍ରୀଜଗନ୍ନାଥ ଙ୍କ ନିକଟରେ ପ୍ରାର୍ଥନା କରାଯାଇଥିଲା |ପରେ ପରେ ପିଲାମାନେ “ଜୟ ଜଗନ୍ନାଥ “, “ମହାତ୍ମା ଗାନ୍ଧୀ କି ଜୟ “, “ବନ୍ଦେ ମାତରମ “, ଓ “ଜୟ ଯବାନ ଜୟ କିଷାନ “ସ୍ଲୋଗାନ ଦେଇ ମାର୍କେଟ ଛକ ପର୍ଯ୍ୟନ୍ତ ରାଲି କରିଥିଲେ |ପରିଶେଷରେ ମିଷ୍ଟାନ୍ନ ବଣ୍ଟନ କରାଯାଇଥିଲା |କାର୍ଯ୍ୟଶେଷରେ ଜୁଡୋ ଗ୍ରୁପର ଆବାହକ ଧନ୍ୟବାଦ ଅର୍ପଣ କରିଥିଲେ |ଏହି କାର୍ଯ୍ୟକ୍ରମରେ ଚାନ୍ଦିନୀ ଦତ୍ତ, ଆୟୁଷ ତିୱାରୀ, ଶୁଭମ ନାୟକ, ସିଦ୍ଧେଶ୍ୱର ପାତ୍ର, ଆନନ୍ଦ ପୂଦ୍ଧେ, ବିନାୟକ ରାୟ ସିଂ, ଶୁଭଲଷ୍ମୀ ବିଶ୍ୱାଳ, ରାହୁଲ ବାରିକ, ଆଶୁତୋଷ ସାହୁ, ସୁନୀଲ ମହାପାତ୍ର, ସାଇ ଅମନଜିତ ସାହୁ ଓ ବିଶୁ ମହାପାତ୍ର ଯୋଗଦାନ କରିଥିଲେ |
