ଭୁବନେଶ୍ୱର, ରାଜଧାନୀର ରାଜରାସ୍ତାରେ ବିଳମ୍ବିତ ରାତିରେ ଖଣ୍ଡା ବୁଲାଇ ଆତଙ୍କ ଚଳାଇଥିବା କେବିଏନ୍ ଗ୍ୟାଙ୍ଗର ମୁଖ୍ୟ ବୁବୁ ଜେନାକୁ ଗିରଫ କରିବାରେ ସଫଳ ହୋଇଛି କମିଶନରେଟ୍ ପୋଲିସ୍ । ରାଜଧାନୀର ଡେଲ୍ଟା ଅଂଚଳରୁ ତାକୁ ଗିରଫ କରାଯାଇଥିବା ବେଳେ ତା’ ପାଖରୁ ଗୋଟିଏ ଖଣ୍ଡା ଜବତ ହୋଇଛି । ତାକୁ ରିମାଣ୍ଡରେ ନେଇ ଅଧିକ ପଚରାଉଚରା କରାଯିବ ବୋଲି କମିଶନରେଟ ପୋଲିସ ପକ୍ଷରୁ କୁହାଯାଇଛି । ପୂର୍ବରୁ କେବିଏନ୍ ଗ୍ରୁପ୍ ର ୯ ସଦସ୍ୟଙ୍କୁ କମିଶନରେଟ ପୋଲିସ୍ ଗିରଫ କରିସାରିଥିବା ବେଳେ ବୁବୁକୁ ଖୋଜିବାକୁ ବିଭିନ୍ନ ସ୍ଥାନରେ ଚଢ଼ାଉ କରୁଥିଲେ । ଶେଷରେ ଡେଲ୍ଟା ଅଞ୍ଚଳରୁ ବନ୍ଧା ହୋଇଛି ବୁବୁ ।
ସୂଚନାଯୋଗ୍ୟ, କମିଶନରେଟ୍ ପୋଲିସ ପାଇଁ ମୋଷ୍ଟ ୱାେଂଟଡ୍ ଥିବା କେବିଏନ୍ ମୁଖ୍ୟ ବୁବୁ କିଛି ଦିନ ତଳେ ପୁରୀରେ ସ୍ପେସାଲ୍ ସ୍କ୍ୱାଡ୍ କୁ ଚକ୍ ମା ଦେଇ ଚମ୍ପଟ ମାରିଥିଲା ।
