ଓ୍ଵାଶିଂଟନ– ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବିଶ୍ୱ ସ୍ୱାସ୍ଥ୍ୟ ସଂଗଠନକୁ ଆମେରିକା ଦ୍ୱାରା ଦିଆଯାଉଥିବା ଆର୍ଥିକ ସହାୟତାକୁ ସମାପ୍ତ କରିବାର ଘୋଷଣା କରିଛନ୍ତି । ଡବ୍ଲ୍ୟୁଏଚଓର କଡା ସମାଲୋଚନା କରି ଟ୍ରମ୍ପ ଆରୋପ ଲଗାଇଛନ୍ତି ଯେ, ଏହି ସଂସ୍ଥା ଚୀନ ଉପରେ ଅଧିକ ଧ୍ୟାନ କେନ୍ଦ୍ରିତ କରୁଛି ଏବଂ କରୋନା ଭାଇରସ୍ ପ୍ରକୋପ ସମୟରେ ଭୁଲ ପରାମର୍ଶ ଦେଉଛି । ଟ୍ରମ୍ପ ଏହା ମଧ୍ୟ କହିଛନ୍ତି ଯଦି ଏମିତି ଚାଲେ ତେବେ ଡବ୍ଲ୍ୟୁଏଚଓ ପାଇଁ ୟୁଏସର ଫଣ୍ଡିଂ ରୋକି ଦିଆଯିବ । ଟ୍ରମ୍ପ ଟୁଇଟ୍ ମାଧ୍ୟମରେ ଜଣାଇଛନ୍ତି ଯେ, ଡବ୍ଲ୍ୟୁଏଚଓ ବାସ୍ତବରେ ଏହି ପ୍ରସଙ୍ଗକୁ ହିଁ ଶେଷ କରି ଦେଇଛି । ଡବ୍ଲ୍ୟୁଏଚଓକୁ ସବୁଠୁ ଅଧିକ ଆର୍ଥିକ ସହାୟତା ଆମେରିକା ହିଁ ଦେଇଥାଏ । ମାତ୍ର ଏବେ କୌଣସି କାରଣବଶତଃ ଆବଶ୍ୟକତାଠୁ ଅଧିକ ଚୀନ ଉପରେ ଧ୍ୟାନ କେନ୍ଦ୍ରିତ କରୁଛି ଡବ୍ଲ୍ୟୁଏଚଓ । ତଥାପି ଆମେ ଏହାକୁ ଏକ ସକରାତ୍ମକ ଦିଗରେ ନେବୁ । ମାତ୍ର ଡବ୍ଲ୍ୟୁଏଚଓ ଆମେରିକାକୁ ଏହା କଣ ପାଇଁ କହିଲା ଯେ, ଚୀନ ପାଇଁ ତାଙ୍କର ଓ୍ାର୍ଡ ଖୋଲା ରହିଛି ବୋଲି ଟ୍ରମ୍ପ କହିଛନ୍ତି । ଟ୍ରମ୍ପ ହ୍ୱାଇଟ୍ ହାଉସର ଏକ ସାମ୍ବାଦିକ ସମ୍ମିଳନୀରେ ୟୁଏନ ସ୍ୱାସ୍ଥ୍ୟ ସଂଗଠନ ବିରୋଧରେ ଅନେକ ଆରୋପ ଲଗାଇଛନ୍ତି । ସେ କହିଛନ୍ତି ଏହା ବହୁତ ବଡ ଭୁଲ କଥା । ସାଂପ୍ରତିକ ସ୍ଥିତିରେ ଡବ୍ଲ୍ୟୁଏଚଓ ବହୁତ ବଡ ସୁଯୋଗ ହାତ ଛଡା କରିଛି । କାରଣ ଏବେ ଆମେ ଡବ୍ଲ୍ୟୁଏଚଓକୁ ଦେଉଥିବା ଆର୍ଥିକ ସହାୟତା ବନ୍ଦ କରିବାକୁ ଯାଉଛୁ । ଟ୍ରମ୍ପ ଦ୍ୱାରା ଡବ୍ଲ୍ୟୁଏଚଓର ସମାଲୋଚନାକୁ ୟୁଏନର ମୁଖପାତ୍ର ଷ୍ଟିଫନ ଦୁଜାରିକ ଖଣ୍ଡନ କରିଛନ୍ତି । ସେ ଗଣମାଧ୍ୟମକୁ କହିଛନ୍ତି ଯେ, ଏଥିରେ କୌଣସି ସନ୍ଦେହ ନାହିଁ ଯେ, ମହାନିର୍ଦ୍ଦେଶକ ଟ୍ରେଡୋସ୍ ଅଧନୋମ ଘେବ୍ରେୟସସଙ୍କ ନେତୃତ୍ୱରେ ଡବ୍ଲ୍ୟୁଏଚଓ କୋଭିଡ୍-୧୯ ମୁକାବିଲାରେ ବହୁତ ଭଲ କାମ କରିଛି । ଏଥିରେ ପୂରା ବିଶ୍ୱରେ ବହୁତ ଦେଶକୁ ସହଯୋଗ କରିବା, ଲକ୍ଷାଧିକ ମାତ୍ରାରେ ଉପକରଣ ଦେବା, ବିଭିନ୍ନ ଦେଶକୁ ପ୍ରଶିକ୍ଷଣ ଦେବା ଯେଉଁଥିରେ ବିଶ୍ୱ ସୁସ୍ଥ ରହୁ । ଦୁଜାରିକ କହିଛନ୍ତି ଯେ, ଡବ୍ଲ୍ୟୁଏଚଓ ନିକଟରେ କଙ୍ଗୋ ଲୋକତାନ୍ତ୍ରିକ ଗଣରାଜ୍ୟରେ ଇବୋଲାର ପ୍ରତିରୋଧ ପାଇଁ ବହୁତ ଭଲ କାମ କରିଛି । ଟ୍ରମ୍ପଙ୍କ ନିକଟତମ ସହଯୋଗୀ ରିପବ୍ଲିକାନ ସିନେଟର ଲିଣ୍ଡେସ୍ ଗ୍ରାହମ କହିଛନ୍ତି ଯେ, ଆଗାମୀ ସିନେଟ ବିନିଯୋଗ ବିଲରେ ଡଲ୍ଲ୍ୟୁଏଚଓ ପାଇଁ କୌଣସି ଫଣ୍ଡିଂ ହେବ ନାହିଁ । ଉୁଁ ଉପସମିତିର ବିନିଯୋଗର ପ୍ରଭାରୀ ଅଟେ । ମୁଁ ଡବ୍ଲ୍ୟୁଏଚଓକୁ ତାର ସଂପ୍ରତି ନେତୃତ୍ୱରେ ଆର୍ଥିକ ପୋଷଣର ସମର୍ଥନ କରୁନାହିଁ । ଏହି ସଂସ୍ଥା ଧୋକାବାଜ ଏବଂ ଚୀନ ସମର୍ଥକ ଅଟେ ବୋଲି ଗ୍ରାହମ କହିଛନ୍ତି ।
ଆନ୍ତର୍ଜାତିକ
ଉହାନ– ଚୀନର ଉହାନ ସହରରେ ଦୀର୍ଘ ଦୁଇ ମାସ ଧରି ଲାଗୁ ଲକଡାନ ବୁଧବାର ସମାପ୍ତ ହୋଇଛି । ଏହି ସହରରେ କରୋନା ଭାଇରସ ମହାମାରୀ ଉତ୍ପନ ହୋଇଥିଲା । ଜାନୁଆରୀ ଶେଷ ଆଡକୁ କରୋନା ଭାଇରସର ପ୍ରକୋପକୁ ରୋକିବା ପାଇଁ ୧୧ ମିଲିୟନ ଜନସଂଖ୍ୟା ବିଶିଷ୍ଟ ଉହାନ ସହରରେ ଲକଡାଉନ୍ ଲାଗୁ କରାଯାଇଥିଲା । ସରକାରୀ ସୂଚନା ଅନୁସାରେ ଉହାନରେ ୫୦ ହଜାରରୁ ଅଧିକ ଲୋକ କରୋନା ସଂକ୍ରମିତ ହୋଇଥିବା ବେଳେ ୨୫୦୦ରୁ ଅଧିକ ଲୋକଙ୍କ ମୃତ୍ୟୁ ଘଟିଛି । ଚୀନରେ କରୋନା ଭାଇରସରେ ହୋଇଥିବା ମୃତ୍ୟୁର ପ୍ରାୟ ୮୦ ପ୍ରତିଶତ ଉହାନରେ ଘଟିଛି । ନିକଟରେ ଉହାନରେ ଲକଡାଉନରେ କିଛିଟା କୋହଳ କରାଯାଇଥିଲା । ହୁବେଇ ପ୍ରାନ୍ତର ରାଜଧାନୀରେ ଗତ ୨୧ ଦିନରେ ମାତ୍ର ତିିନି କରୋନା ରୋଗୀ ଚିହ୍ନଟ ହୋଇଥିଲେ । ଏବେ ସ୍ଥିତି ସମୀକ୍ଷା ପରେ ଉହାନ ସହରରୁ ଦୀର୍ଘ ଦୁଇ ମାସ ଧରି ଲାଗୁ ଲକଡାଉନ୍ ହଟାଇ ଦିଆଯାଇଛି । ବୁଧବାର ପ୍ରାୟ ୫୫ ହଜାର ଲୋକଙ୍କୁ ଟ୍ରେନରେ ଉହାନ ଛାଡିବାର ଆଶା ରହିଛି । ଉହାନର ତିୟାନହେ ବିମାନ ବନ୍ଦରରୁ ୧୦ ହଜାରରୁ ଅଧିକ ଯାତ୍ରୀଙ୍କୁ ବିମାନରେ ସହର ଛାଡିବାର ସମ୍ଭାବନା ରହିଛି । ରାଜଧାନୀ ବେଜିଂ ଓ ଅନ୍ୟ ସ୍ଥାନ ପାଇଁ ଉଡାଣ ଏବେ ଆରମ୍ଭ କରାଯାଇ ନାହିଁ । ଉହାନର ବାସିନ୍ଦାଙ୍କୁ ଅନୁରୋଧ କରାଯାଇଛି ଯେ, ସେମାନେ ନିଜର ପଡୋଶୀ, ନିଜର ସହର ଏବଂ ଏପରିକି ପ୍ରାନ୍ତକୁ ସେ ପର୍ଯ୍ୟନ୍ତ ଛାଡିବେ ନାହିଁ ଯେ ପର୍ଯ୍ୟନ୍ତ ଅତି ଜରୁରୀ ନ ହୋଇଛି । ଚୀନର ରାଜଧାନୀ ବେଜିଂକୁ ଆସିବାକୁ ଥିବା ଉହାନର ଲୋକଙ୍କୁ ପୁଣି ଥରେ ଭାଇରସର ପରୀକ୍ଷଣ ଦେବାକୁ ପଡିବ ।
ନ୍ୟୁୟର୍କ– ଜନ ହପକିନ୍ସ ୟୁନିଭର୍ସିଟି ଅନୁ୍ଯାୟୀ ସମଗ୍ର ଦୁନିଆରେ ଅଦ୍ୟାବଧି କରୋନା ଭାଇରସ ସଂକ୍ରମିତଙ୍କ ସଂଖ୍ୟା ୧୨ ଲକ୍ଷରୁ ଅଧିକ ରହିଛି ।...
ଓ୍ଵାଶିଂଟନ/ଜିନେଭା– ବିଶ୍ୱ ବ୍ୟାଙ୍କର ସଭାପତି ଡେଭିଡ୍ ମଲପାସ ଶୁକ୍ରବାର କହିଛନ୍ତି ଦ୍ରୁତ ଗତିରେ ବ୍ୟାପୁଥିବା କୋଭିଡ ୧୯ ମହାମାରୀ କାରଣରୁ ବଡ ବୈଶିକ...
ବେଜିଙ୍ଗ– ଚୀନ ଶନିବାର କରୋନା ଭାଇରସରେ ମୃତ୍ୟୁବରଣ କରିଥିବା ଲୋକଙ୍କ ସ୍ମୁତିରେ ସକାଳ ୯ଟାରେ ତିନି ମିନିଟର ମୌନ ବ୍ରତ ରଖିଛି ।...
ଓ୍ଵାଶିଂଟନ– ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଆଗାମୀ ଦୁଇ ସପ୍ତାହରେ କରୋନା ମହାମାରୀରେ ଆମେରିକାରେ ମୃତ୍ୟୁ ସଂଖ୍ୟା ଚରମରେ ପହଂଚିବାର ସମ୍ଭାବନା...
ଲସ ଏଞ୍ଜଲେସ୍– ଆମେରିକାର ସେବା ଇଂଟରନ୍ୟାସନାଲର ଶତାଧିକ କାର୍ଯ୍ୟକର୍ତ୍ତା କୋଭିଡ୍-୧୯ର ମୁକାବିଲା ପାଇଁ ମଇଦାନକୁ ଓହ୍ଲାଇଛନ୍ତି । ଏଥିପାଇଁ ଅଲଗା ଅଲଗା ସ୍ତରରେ ଆମେରିକାର ବିଭିନ୍ନ...
ୠସ ଏଞ୍ଜଲେସ– ଦକ୍ଷିଣ ଦକାର୍ଲିଫର୍ଣ୍ଣିଆର କୋଂଟ୍ରା କାଉଁଟିରେ ଜଣେ ୭୦ ବର୍ଷୀୟ ପ୍ରବାସୀ ଭାରତୀୟଙ୍କ କରୋନାରେ ମୃତ୍ୟୁ ଘଟିଛି । ଏହି ଭାରତୀୟ...
ଓ୍ଵାଶିଂଟନ ଡିସି– ଭାରତୀୟ ଦୂତାବାସ ଓ୍ଵାଶିଂଟନ ଡିସିରେ ମାର୍ଚ୍ଚ ୩୦ରୁ ଯୋଗର ଅନଲାଇନ ନିଃଶ୍ଳୁକ ପାଠ୍ୟକ୍ରମ ଆରମ୍ଭ କରିବ । ପ୍ରତ୍ୟେକ ବର୍ଷ...
ଲସ ଏଞ୍ଜଲେସ୍– କରୋନା ଭାଇରସର ପ୍ରକୋପରେ ଶନିବାର ସକାଳ ସୁଦ୍ଧା ସମଗ୍ର ଦୁନିଆରେ ସଂକ୍ରମିତ ସଂଖ୍ୟା ୫,୯୫,୨୬୭କୁ ବୃଦ୍ଧ ଘଟିଛି । ଅଦ୍ୟାବଧି...
