ପୋଲିସ ଏନକାଉଂଟର : କୁଖ୍ୟାତ ଅପରାଧି ମୁସିମ୍ ଅଖତାର ଆହତ

ସମ୍ବଲପୁର – ସମ୍ବଲପୁର ସହରର ସିଟି ଷ୍ଟେସନ ନିକଟରେ ଆଜି ଏକ ଏନକାଉଂଟର ସଂଗଠିତ ହୋଇଛି  । କୁଖ୍ୟାତ ଅପରାଧି ମୁସିମ୍ ଅଖତାର ପୋଲିସ ଏନକାଉଂଟରରେ ଆହତ ହୋଇଛି  । ତା’ର ଡାହାଣ ଆଣ୍ଠୁ ତଳକୁ ଗୁଳି ଲାଗିଛି  । ସଦର ଡାକ୍ତରଖାନାରେ ପ୍ରାଥମିକ ଚିକିତ୍ସା ପରେ ତାକୁ ଏକ ଅଜ୍ଞାତ ସ୍ଥାନକୁ ନେଇ ପୋଲିସ ପଚରା ଉଚୁରା ଚଳାଇଛି  ।\nଆଜି ଭୋର୍ ପ୍ରାୟ ସାଢ଼େ ୫ଟା ସମୟରେ ଏହି ଏନକାଉଂଟର ସଂଗଠିତ ହୋଇଥିଲା  । ସିଟି ଷ୍ଟେସନ ନିକଟରେ ମୁସିମ୍ ବୁଲୁଥିବା ନେଇ କୌଣସି ସୂତ୍ରରୁ ଖବର ପାଇ ଧନୁପାଲି ପୋଲିସ ସ୍ପେଶାଲ ସ୍କ୍ୱାଡ୍ ସହ ମିଶି ସେଠାରେ ଚଢ଼ଉ କରିଥିଲା  । ଏହି ସମୟରେ ମୁସିମ୍ ପୋଲିସ ଉପରକୁ ୨ ରାଉଣ୍ଡ ଗୁଳି ଚଳାଇଥିଲା  । ପରେ ପୋଲିସର ପାଲଟା ଜବାବରେ ସେ ଆହତ ହୋଇଥିଲା  । ତା’ ନିକଟରୁ ଗୋଟିଏ ୯ ଏମଏମ ପିସ୍ତଲ, ଗୋଟିଏ ଜୀବନ୍ତ ଗୁଳି ଓ ୪ ହଜାର ଟଙ୍କା ଜବତ କରାଯାଇଛି  । ଏହି ଏନକାଉଂଟର ବେଳେ ଜଣେ ପୋଲିସ ଏଏସଆଇ ମଧ୍ୟ ଆହତ ହୋଇଛନ୍ତି  । ମୁସିମ୍ ଜଣେ ପେଶାଗତ ଅପରାଧି  । ତା’ ନାମରେ ବିଭିନ୍ନ ଥାନାରେ ୧୫ରୁ ଉଦ୍ଧ୍ୱର୍ ଅପରାଧିକ ମାମଲା ରହିଥିବା ନେଇ ଧନୁପାଲି ପୋଲିସ ସୂଚନା ଦେଇଛି  ।