ଜଗଦଲପୁର– ଛତିଶଗଡର ବିଜାପୁର ଜିଲ୍ଲାର ଜଙ୍ଗଲରେ ନକ୍ସଲଙ୍କ ବିରୁଦ୍ଧରେ ତେଲେଙ୍ଗାନା ସୀମାରେ ଜାନୁୟାରୀ 16ରେ ହୋଇଥିବା ଗୁଳି ବିନିମୟରେ 12 ନୁହେଁ, ବରଂ 18 ନକ୍ସଲଙ୍କ ମୃତ୍ୟୁ ହୋଇଛି । ଏଥିରେ 12ଜଣ ନକ୍ସଲଙ୍କ ଶବ ଜବତ ହୋଇଥିବା ବେଳେ 6ଜଣ ନକ୍ସଲଙ୍କ ଶବ ନକ୍ସଲ ସଙ୍ଗଠନର ଲୋକ ଘଟଣାସ୍ଥଳରୁ ଉଠାଇ ନେଇଥିଲେ । ଶବ ଉଠଇ ନେଇଥିବା ଦାବି ଦକ୍ଷିଣ ବସ୍ତର ଜୋନାଲ କମିଟି ନିଜର ଏକ ପୋଷ୍ଟରରେ କରିଛି । ଜବତ ଶବ ମଧ୍ୟରୁ 10ଟିର ଚିହ୍ନଟ କରାଯାଇଛି । ଏଥିରେ 5ଜଣ ମହିଳା ଅଛନ୍ତି । ମୃତ୍ୟୁବରଣ କରିଥିବା 10 ନକ୍ସଲଙ୍କ ଉପରେ ପ୍ରାୟ 59ଲକ୍ଷ ଟଙ୍କାର ପୁରସ୍କାର ଘୋଷଣା କରାଯାଇଥିଲା ।
